Tweet
اپنا قیمتی ترین ووٹ دیتے وقت ان باتوں کا خاص خیال رکھیں
اپنا قیمتی ترین ووٹ دیتے وقت ان باتوں کا خاص خیال رکھیں
پہلی بات کہ آزاد امیدوار کو ووٹ مت دیں وہ جیتنے کے بعد کسی بھی پارٹی میں جا سکتاہے ۔۔
دوسری بات کہ بیرون شہر سے آئے ہوئے امیدوار کو ووٹ مت دیں کیوں کہ وہ یہ سیٹ چھوڑ دے گا اور ضمنی الیکشن کی اذیت سے گزرنا پڑے گا ۔
تیسری بات یہ کہ لوکل شخص کو ووٹ دیں لیکن یاد رکھیں کہ وہ زہد و تقوی، ایمانداری ، دیانت ، اور تعلیم میں سب سے بہتر ہو ۔
چوتھی بات یہ کہ جیسے پرانے گارے ، ٹوٹی اینٹوں اور کوڑ کباڑ سے نئی عمارت تعمیر نہیں ہو سکتی اسی طرح لوٹوں ، لٹیروں ، بدمعاشوں اور منشیات فروشوں سے پاکستان کی حالت تبدیل نہیں ہو سکتی۔ اس لئے لوٹوں کو یکسر مسترد کر دیں ۔
پانچویں بات جب پرچی پر مہر لگانے لگیں تو صرف ایک بار قرآن پاک میں موجود جہنم کی ہولناکیوں کو ذہن میں ضرور رکھیں کیوں کہ ووٹ ایک گواہی ہے اور گواہی جنت اور جہنم دونوں کا فیصلہ کر سکتی ہے ۔
چھٹی بات ہمیشہ پارٹی کو ووٹ دیں ان کے منشور دھیان سے پڑھیں اگر پہلے کسی بھی حکومت کا حصہ رہے ہوں تو دیکھیں کیا پہلے انہوں نے وعدے وفا کیے؟ اگر نہیں کیے تو اب بھی نہیں کریں گے۔۔ ووت دیتے وقت ظاہری لالچ پر مت جائیں جیسے ہم اتنی تنخواہ کر دیں گے، گاڑیاں دیں گے، روڈ بنائیں گے۔۔ یہ تمام باتیں جزوی ہیں سب سے پہلے تعلیم، صحت، امن، سکون شعور اہم ہیں۔
ساتویں بات اگر امیدوار پہلی بار الیکشن لڑ رہا ہے لیکن اچھا انسان ہے ایماندار ہے دیانتدار ہے، اور پڑھا لکھا ہے تو اس کو ووٹ دیں یہ سوچ کر نہیں کہ وہ ہار جائے گا اور میرا ووٹ ضائع ہو جائے گا ایسا مت سوچیں اس کی پارٹی کو دیکھیں ان کے منشور کو دیکھیں اور ووٹ دینے میں مت ہچکچائیں۔
آٹھویں بات ووٹ دیتے وقت صرف اور صرف قومی مفاد کر ترجیح دین ذاتی مفاد کو زیادہ ترجیح نہ دیں۔ کیونکہ اگر اچھی حکومت ہوگی تو انصاف، روزگار، مسئلہ مسائل، کے لیے اپنے حلقے کے ایم پی اے، ایم این اے کے پاس نہیں جانا پڑے گا کیونکہ ایم پی اے، ایم این اے کا کام قانون سازی کرنا ہے نوکریاں تقسیم کرنا نہیں۔
اخری بات ہر بار کے آزمائے ہوئے کو دوبارہ آزمانہ بیوقوفی ہوگی کیونکہ وہ ہربار الیکشن سے پہلے سہانے خواب دکھاتے ہیں۔ لیکن ہر باران کی تعبیر نہیں دیتے۔
بشکریہ ایک دوست
Comment