Tweet
اقبال دوست حلقوں کے اطمینان کے لئے میں یہ وضاحت ضروری سمجھتا ہوں کہ میں اور میرے چند دوسرے دوست اقبال صاحب سے کوئی ذاتی مخاصمت نہیں رکھتے بلکہ ان سے ہمارا اختلاف نہ صرف یہ کہ نظریاتی نوعیت کا ہے بلکہ دوسروں کا تو پتہ نہیں جہاں تک میرا معاملہ ہے تو میں ان کی شاعرانہ عظمت کا اس حد تک معترف ہوں کہ کئی بار یہ بات کہہ چکا ہوں کہ اگر وہ تھوڑی سی محنت اور کرتے تو پورے ضلع سیالکوٹ میں ان کے برابر کا کوئی شاعر نہ تھا بلکہ میں نے تو ایک بار یہ بھی لکھا تھا کہ ان کے چند اشعار تو ایسے ہیں کہ میرے قد کاٹھ کا شاعر بھی انہیں شاعر ماننے پر مجبور ہو جاتا ہے۔ مثلاً ایک زمانے میں مجھے ان کے یہ دو اشعار بہت پسند تھے #
تندیٴ بادِ مخالف سے نہ گھبرا اے عقاب
یہ تو چلتی ہے تجھے اونچا اڑانے کے لئے
یا
اسلام کے دامن میں اور اس کے سوا کیا ہے
اک ضربِ ید اللّٰہی، اک سجدئہ شبیری
اور جہاں تک اقبال صاحب سے میرے اور میرے دوسرے دوستوں کے نظریاتی اختلاف کا تعلق ہے تو دوسروں کا نقطہ نظر بیان کرنے سے پہلے میں اپنی بات کروں گا۔ بات یہ ہے کہ میں ترقی پسندی کے سخت خلاف ہوں۔ اس کا یہ مطلب نہیں کہ مجھے اپنی ترقی پسند نہیں بلکہ اس سے وہ ترقی پسندی مراد ہے جس سے بغاوت کی بو آتی ہے اور اقبال صاحب کا تمام تر احترام ملحوظ رکھتے ہوئے میں یہ کہنے پر مجبور ہوں کہ ان کی اس نوع کی ترقی پسندی مجھے ہضم نہیں ہوتی۔ خدا کا شکر ہے کہ ریڈیو اور ٹی وی چینلوں پر ان کے اس نوع کے باغیانہ کلام پر پابندی ہے جو ہمارے مثالی معاشرے میں انتشار کا باعث بن سکتا تھا۔ میں نقل کفر، کفر نہ باشد کے مصداق ان کے اس قماش کے چند اشعار ذیل میں درج کر رہا ہوں :
اٹھو میری دنیا کے غریبوں کو جگا دو
کاخِ امراء کے در و دیوار ہلا دو
گرماؤ غلاموں کا لہو سوزِ یقیں سے
کنجشک فرومایہ کو شاہیں سے لڑا دو
میں ناخوش و بیزار ہوں مرمر کی سلوں سے
میرے لئے مٹی کا حرم اور بنا دو
جس کھیت سے دہقاں کو میسر نہ ہو روزی
اس کھیت کے ہر خوشہٴ گندم کو جلا دو
باغِ بہشت سے مجھے حکم سفر دیا تھا کیوں
کارِ جہاں دراز ہے اب میرا انتظار کر
روزِ حساب جب میرا پیش ہو دفتر عمل
آپ بھی شرمسار ہو مجھ کو بھی شرمسار کر
اگر کج رو ہیں انجم آسماں تیرا ہے یا میرا
مجھے فکر جہاں کیوں ہو جہاں تیرا ہے یا میرا
فارغ تو نہ بیٹھے گا محشر میں جنوں میرا
یا اپنا گریباں چاک یا دامن یزداں چاک
اسی طرح مذہبی پیشواؤں کے بارے میں
دین ملا فی سبیل اللہ فساد
یا
تیری نماز بے سرور، تیرا امام بے حضور
ایسی نماز سے گزر، ایسے امام سے گزر
ایسے گستاخانہ اشعار کی موجودگی میں میرے جیسا اسلام پسند شاعر انہیں شاعر اسلام کیسے مان سکتا ہے؟
کچھ اتنے ہی ٹھوس نوعیت کے نظریاتی اختلافات میرے دوسرے دوستوں کو بھی ہیں مثلاً علامہ شکم پرور لدھیانوی کے دل میں تو اسی دن اقبال صاحب کے لئے تحفظات پیدا ہو گئے تھے جس دن انہوں نے اقبال صاحب کا یہ مصرعہ پڑھا تھا #
فیصلہ تیرا تیرے ہاتھوں میں ہے دِل یا شکم ؟
ولیمے اور چہلم کی دعوت کو یکساں اہمیت دینے والے علامہ شکم پرور لدھیانوی کو یقین ہے کہ اقبال صاحب نے یہ طنزیہ شعر ان کے لئے کہا تھا۔ اسی طرح جناب بے غیرت انصاری، اقبال صاحب سے ان کے اس نوع کے خیالات کی وجہ سے نظریاتی اختلاف رکھتے ہیں جو ان کے مصرعے #
غیرت ہے بڑی چیز جہانِ تگ و دو میں
واضح طور پر سامنے آتے ہیں۔ میرے ایک شاعر دوست جناب شباب پرور دہلوی کو اگرچہ اقبال صاحب کا
وجود زن سے ہے تصویر کائنات میں رنگ
والا مصرعہ پسند ہے مگر ان کے شعر
ہند کے شاعر و صورت گر و افسانہ نویس
آہ بے چاروں کے اعصاب پہ عورت ہے سوار
آگیا عین لڑائی میں اگر وقتِ نماز
میرے اس دوست کا کہنا ہے کہ ل لڑائی ہوتا ہے ، عین لڑائی نہیں ہوتا۔
ان سب اعتراضات کے باوجود میں بہرحال اقبال صاحب کو شاعر مانتا ہوں بلکہ آخر میں ایک دفعہ پھر میں اپنا یہ اعتراف دہرانا پسند کروں گا کہ اگر اقبال ذرا سی محنت اور کرتے تو پورے ضلع سیالکوٹ میں ان سے بڑا شاعر اور کوئی نہیں تھا!
تندیٴ بادِ مخالف سے نہ گھبرا اے عقاب
یہ تو چلتی ہے تجھے اونچا اڑانے کے لئے
یا
اسلام کے دامن میں اور اس کے سوا کیا ہے
اک ضربِ ید اللّٰہی، اک سجدئہ شبیری
اور جہاں تک اقبال صاحب سے میرے اور میرے دوسرے دوستوں کے نظریاتی اختلاف کا تعلق ہے تو دوسروں کا نقطہ نظر بیان کرنے سے پہلے میں اپنی بات کروں گا۔ بات یہ ہے کہ میں ترقی پسندی کے سخت خلاف ہوں۔ اس کا یہ مطلب نہیں کہ مجھے اپنی ترقی پسند نہیں بلکہ اس سے وہ ترقی پسندی مراد ہے جس سے بغاوت کی بو آتی ہے اور اقبال صاحب کا تمام تر احترام ملحوظ رکھتے ہوئے میں یہ کہنے پر مجبور ہوں کہ ان کی اس نوع کی ترقی پسندی مجھے ہضم نہیں ہوتی۔ خدا کا شکر ہے کہ ریڈیو اور ٹی وی چینلوں پر ان کے اس نوع کے باغیانہ کلام پر پابندی ہے جو ہمارے مثالی معاشرے میں انتشار کا باعث بن سکتا تھا۔ میں نقل کفر، کفر نہ باشد کے مصداق ان کے اس قماش کے چند اشعار ذیل میں درج کر رہا ہوں :
اٹھو میری دنیا کے غریبوں کو جگا دو
کاخِ امراء کے در و دیوار ہلا دو
گرماؤ غلاموں کا لہو سوزِ یقیں سے
کنجشک فرومایہ کو شاہیں سے لڑا دو
میں ناخوش و بیزار ہوں مرمر کی سلوں سے
میرے لئے مٹی کا حرم اور بنا دو
جس کھیت سے دہقاں کو میسر نہ ہو روزی
اس کھیت کے ہر خوشہٴ گندم کو جلا دو
باغِ بہشت سے مجھے حکم سفر دیا تھا کیوں
کارِ جہاں دراز ہے اب میرا انتظار کر
روزِ حساب جب میرا پیش ہو دفتر عمل
آپ بھی شرمسار ہو مجھ کو بھی شرمسار کر
اگر کج رو ہیں انجم آسماں تیرا ہے یا میرا
مجھے فکر جہاں کیوں ہو جہاں تیرا ہے یا میرا
فارغ تو نہ بیٹھے گا محشر میں جنوں میرا
یا اپنا گریباں چاک یا دامن یزداں چاک
اسی طرح مذہبی پیشواؤں کے بارے میں
دین ملا فی سبیل اللہ فساد
یا
تیری نماز بے سرور، تیرا امام بے حضور
ایسی نماز سے گزر، ایسے امام سے گزر
ایسے گستاخانہ اشعار کی موجودگی میں میرے جیسا اسلام پسند شاعر انہیں شاعر اسلام کیسے مان سکتا ہے؟
کچھ اتنے ہی ٹھوس نوعیت کے نظریاتی اختلافات میرے دوسرے دوستوں کو بھی ہیں مثلاً علامہ شکم پرور لدھیانوی کے دل میں تو اسی دن اقبال صاحب کے لئے تحفظات پیدا ہو گئے تھے جس دن انہوں نے اقبال صاحب کا یہ مصرعہ پڑھا تھا #
فیصلہ تیرا تیرے ہاتھوں میں ہے دِل یا شکم ؟
ولیمے اور چہلم کی دعوت کو یکساں اہمیت دینے والے علامہ شکم پرور لدھیانوی کو یقین ہے کہ اقبال صاحب نے یہ طنزیہ شعر ان کے لئے کہا تھا۔ اسی طرح جناب بے غیرت انصاری، اقبال صاحب سے ان کے اس نوع کے خیالات کی وجہ سے نظریاتی اختلاف رکھتے ہیں جو ان کے مصرعے #
غیرت ہے بڑی چیز جہانِ تگ و دو میں
واضح طور پر سامنے آتے ہیں۔ میرے ایک شاعر دوست جناب شباب پرور دہلوی کو اگرچہ اقبال صاحب کا
وجود زن سے ہے تصویر کائنات میں رنگ
والا مصرعہ پسند ہے مگر ان کے شعر
ہند کے شاعر و صورت گر و افسانہ نویس
آہ بے چاروں کے اعصاب پہ عورت ہے سوار
آگیا عین لڑائی میں اگر وقتِ نماز
میرے اس دوست کا کہنا ہے کہ ل لڑائی ہوتا ہے ، عین لڑائی نہیں ہوتا۔
ان سب اعتراضات کے باوجود میں بہرحال اقبال صاحب کو شاعر مانتا ہوں بلکہ آخر میں ایک دفعہ پھر میں اپنا یہ اعتراف دہرانا پسند کروں گا کہ اگر اقبال ذرا سی محنت اور کرتے تو پورے ضلع سیالکوٹ میں ان سے بڑا شاعر اور کوئی نہیں تھا!
Comment