Right Way

[MeemSheenAlif]

Assalam o alaikum...

umeedhe sub kheriat se houn ge..

mujhay yeh pochan tha....

k jaisa k sub ko maloom he...deenmark mien kuch aise cartoon publishedhuwe jo nhi honay chaiye...the...

to abb jub k yeh ho gae...to in k khilaf kia actin lia jay..aisa action jis se kisi ko nuksaan bhi na ho aur hamara kaam bhi ho jay...

plz ...
is topic ko seriously lijey ga..

thanks

[Masood]

Re: Right Way

Assalam o alaikum...

umeedhe sub kheriat se houn ge..

mujhay yeh pochan tha....

k jaisa k sub ko maloom he...deenmark mien kuch aise cartoon publishedhuwe jo nhi honay chaiye...the...

to abb jub k yeh ho gae...to in k khilaf kia actin lia jay..aisa action jis se kisi ko nuksaan bhi na ho aur hamara kaam bhi ho jay...

plz ...
is topic ko seriously lijey ga..

thanks

Dekhiyey bhai, yahan (Main Denmark mein hoon) jo kuchh huwa hai, yeh shaitaniyat ka woh bhiyanak roop hai jissey aaj kal ki duniya mein aazadi-e-sahafat ya aazadi-e-izhar-e-raey kaha geya hai. Safahat ka aaj kal merey nazdeek yeh muqaam hai keh sarkari sahafat woh kutta hai jo sirf sarkar key liyey bhonkta hai, aazad sahafat woh kutta hai jo sirf apney pet key liyey bhonkta hai.... yeh log apney pet key liyey bhonk rahey hain...

Islam per zarb laganey ki yeh pehli koshish nahin hai aur na hi aakhri sabit ho gi - rehti duniya tak shaitaniyat ka yeh roop samney aata rahey ga, aap issey kabhi kisi soorat mein rok nahin sakein gey...

Sawaal yeh hai keh HAMEIN (Yani ahl-e-Islam) ko kya karna chahiyey?

To merey bhaii sab sey pehley hamein apney ander key soor khatam karney hongey, woh soor jo ooper sey musalmano ka roop dharey bethey hain magar ander sey woh kafiron sey bhi badtar hain.... Afsos yeh hai keh in mein aksariyat ahl-e-Islam key leader baney bethey hain. Denmark ko kya saza milni chahiyey - is ka tayyun karna in ka kaam hai. Aaj agar muslim leader aik jhandey taley jama ho jaein to ba'Khuda kisi ki jurat nahin ho gi keh hamari tarf aankh uthaa ker dekh sakey....

Hona yeh chahiyey keh Denmark sey har qisam ka siyasi, muashi, tajarti ta'aluq torr liya jaey magar TOP level per - yani HAR islami mulk is mein shamil hona chahiyey - Denmark sey wabasta har shay ko apney mulk sey nikal janey ka hukm sadar hona chahiyey, Q8 (woh tail jo Kuwait sey pedah hota hai aur Europe aur US us per hukmrani kartey hain) uski export ko block kar dena chahiyey TOTALY - (koi bhi western mulk iski muzammat karey to us ko bhi Q8 key tail ki supply band kar deni chahiyey - yeh sirf Q8 hi nahin balkeh har woh oil jo west ko export kiya jata hai, ussey block kar dena chahiyey, Ham musalmano ko MEDIA use karna ATA HI Nahin - warna media key through hamein woh image pesh karna chahiyey keh sach ka sach samney aa jaey.... Dr. Zakir Nayik ki misaal lijiyey, usney MEDIA ko zariya bnaa ker har badey sey badey Christian, Hindu aalam ko bebas kar diya hai... to ham MEDIA kyn nahin use kartey? Shayid ham mein itni salahiyat hi nahin....

Mera yaqin hai keh aaj agar oil ki total export ko block kar diya jaey to Europe andheron mein doob jaey!!

Magar afsos aisa ho nahin sakta, is liyey keh oil key sheikh itney ghairatmand nahin.

Ham aam satah key log agar mazahirey karein to apni hi imlaak ko nuqsaan pohanchaein gey, jis sey ham mazeed terrorist kaha jaey ga, apney mulk mein dehshatgardi kar key apna ghussa nikalney wali qomein jazbaati hoti hain......baat sirf sochney ki aur uskey mutabiq amal karney ki hai...

[MeemSheenAlif]

Re: Right Way

thanks bhai ..for ur reply...

lekin app ne jitna bataya....wo to ijtamai tour pe koshish ho gi...
huminfradi tour pe kia kur sakte hein....

kia ehtijaj se aur rallies nikalne se yeh masla ho sakta he..???

[Masood]

Re: Right Way

Aik doosri shay aur bhi bohat qabil-e-ziker aur ghaur-o-fiker key laiiq hai keh hamarey haan LONG TERM planning kuchh nahin hoti, ham musalman LONG TERM per sochna ghalban gunah samajhtey hain keh "kal kis ney dekhi hai", "planing karney ka kya faidah, jo hona hai woh likha hai" -- aisi batein buzdil aur be'amal qom ki hoti hain. Jab ham per koi museebat aati hai to ham cheekh partey hain keh ab kya karein? Kya ham is haqeeqat sey aashna nahin keh duniya Islam ki to kya HAQ ki azal hi sey dushman rahi hai, aur abad tak rahey gi, to kyun na ham aisi hikmat-e-amli soch rakhein keh agar aisa ho to hamein kya karna chahiye???

[Masood]

Re: Right Way

thanks bhai ..for ur reply...

lekin app ne jitna bataya....wo to ijtamai tour pe koshish ho gi...
huminfradi tour pe kia kur sakte hein....

kia ehtijaj se aur rallies nikalne se yeh masla ho sakta he..???

Nahin, kabhi nahin. Kyun keh jab kisi qom key leader meethi neend so rahey hon, to wahan per aisi batein waqti tor per aag bujhaney key liyey paani ka kaam hi sar'anjaam dey sakti hain.

Infradi tor per aap wohi jihaad kar saktey hain jissey alfaz ya soch ka ya dil mein bura kehney ka jahad kaha geya hai keh aap muzammat hi kar saktey hain - aur woh ham sab kartey hain. Denmark mein jo kuchh huwa hai, iskey peechhey yahoodi-shaitaniyat kar'gar hai - aur iski ham muzammat hi kar saktey hain.

Rahi baat jihad ki to merey nazdeek agar kisi key samney aa ker ussey "beghairat" kah ker us per thookna chahiyey woh hamarey apney leaders hain. Yeh log agar apney ander ghairat naam ki koi shay pedah kar lein, to hamari halaat badal sakti hai. Inqilaab key liyey apney ander ki sfaii karna bohat zaroori hai ....

[MeemSheenAlif]

Re: Right Way

yani ...hum..infradi tour pe..sirf jihad-e-qalm ka sahara le au kuch nahi kur sakte...

aur danish product ka boycott se yeh mamala khatumnahi ho sakta kia???

[Masood]

Re: Right Way

yani ...hum..infradi tour pe..sirf jihad-e-qalm ka sahara le au kuch nahi kur sakte...

aur danish product ka boycott se yeh mamala khatumnahi ho sakta kia???

Yeh duniya INFORMATION TECHNOLOGY ki duniya hai, aaj kal jo QALM kar sakta hai woh TALWAR nahin. Magar qalam chalaney key, yani Media ko istimaal karney ka saleeqa aana chahiyey.... jo keh hamarey haan nahin. Hamarey TV Channels ko jo paisey phainkta hai, usi key liyey bhonkna shuru kar detey hain....

Boycott karney sey kyun farq nahin parrta, bohat parrta hai, balkeh kisi mulk ko muashi tor per tabah karney key liyey uski products ka boycott karna chahiyey. Magar kaisey???? Aik mulk mein zahiri elan kar diya jaey aur doosrey mulk mein woh ashyaa muyassir hon to issey sey hamarey apney image ko nuqsaan ho ga. Boycott ka tareeqa yeh hai keh TOTAL BAN - jaisa main ney ooper likha - KUL Ummat-e-Muslimah Denmark ki har shay ka boycott karein - magar aap janey hain keh Misr (Egypt) ki sab sey badi aamdni ka zariyey tourism hai aur Denmark key lakhon log udher jatey hain jinehin special escort milti hai - kya Egypt apni muashi halaat kharab karna chahey ga????? Yahan per SOLIDARITY ka patah chalta hai - ONE FOR ALL - ALL FOR ONE hona chahiyey. Khana Kaaba sey aagar elan ho keh Denmark ka totat boycott kiya jaey to 50 key qareeb har islami mulk ko is per amal karna chahiyey - phir dekhein Denmark kaisey tabah hota hai.... Merey bhaii aaj kal da daur shor sharabey ka dor nahin, yeh khamosh jang ka daur hai, aur is mein Europe aik baar phir jeet raha hai, woh hamein ISHTIYAAL dey detey hain aur ham apney hi sar key baal nochna shuru kar detey hain....