*~ Bollywood Diary ~* (Daily Updated)

[Shaheen]

Bollywood Diary
Daily Updated
(Source: BBCUrdu.com)
*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~ *~*~*~~*~*
سلو کی شرما
*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~ *~*~*~~*~*
خان کے دس منٹ
کنگ خان کی ایک عادت کے بارے میں ہمیں آج ہی پتہ چلا ہے۔ خان ہر شاٹ سے پہلے آئینے کے سامنے دس منٹ بالکل خاموش کھڑے رہتے ہیں۔ کیا وہ ڈائیلاگ یاد کرتے ہیں، یوگا کرتے ہیں یا پھر ۔۔۔۔۔ارے بابا یہ سب قیاس آرئیاں ہیں، ہمیں بھی نہیں پتہ لیکن وعدہ کرتے ہیں کہ جب بھی کنگ خان سے ملاقات ہو گی ہم یہ سوال ضرور پوچھیں گے
*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~ *~*~*~~*~*

شریر سلو
سلو نے اپنی فلم پارٹنر کی تشہیر کے لیے سماجی تنظیم کے ذریعہ پانچ سو کے قریب سکول کے غریب بچوں کو بلایا تھا تاکہ وہ انہیں سکول کے بیگ، کپڑے، ٹفن باکس، واٹر بوتل وغیرہ دیں۔پورا میڈیا سلو کا منتظر تھا۔ سب اپنے اپنے کیمرے لیے انتظار کر رہے تھے لیکن وہ سلو ہی کیا جو شرارت نہ کرے بس کیا تھا وہ سامنے کے دروازے کے بجائے ہوٹل کے عقبی دروازے سے اندر دیوار پھلانگ کر پہنچے۔کیسے یہ آپ ہمارے کیمرے سے کھینچی گئی تصویر میں دیکھ لیجئے۔




سلو کی شرارت یہیں ختم نہیں ہوئی۔ ایک صحافی نے سوال کیا آپ کا جان کے ساتھ جھگڑا ختم ہوا؟ سلو نے فورا پوچھا کون جان؟ صحافی کا دوسرا سوال تھا آپ ایب اور وویک کس کے ساتھ کام کرنا پسند کریں گے؟ سلو نے کچھ دیر رک کر کہا ایب کے ساتھ کام کرنے میں کوئی ہچکچاہٹ نہیں وویک، یہ کون ہے اچھا وہ ایڈیٹ۔۔۔۔۔۔۔۔۔
۔

[Shaheen]

Re: *~ Bollywood Diary ~* (Daily Updated)

پردے کے پیچھے کیا ہے؟
بنکاک ایئر پورٹ پر چیکنگ افسر نے ایک برقع پوش عورت کو روک لیا کیونکہ ان کے پاسپورٹ پر نام ایک ہندو خاتون کا تھا اور وہ برقع میں تھیں۔افسر نے انہیں کوئی دہشت گرد سمجھا فورا سٹاف کو الرٹ کر دیا گیا۔ خاتون کو علیحدہ کمرے میں لے جایا گیا اور چونکہ خاتون ہندی بول رہی تھیں اس لیے ہندی سمجھنے والے ہندستانی افسر کو طلب کیا گیا۔لیکن نقاب اٹھتے ہی افسر چونک گئے وہاں کوئی دہشت گرد خاتون کے بجائے آئٹم گرل ملکہ تھیں۔ویسے ملکہ کیا آپ کو نہیں لگتا کہ اب پردے کے پیچھے چھپنا بند کر دینا چاہئے۔:khi:

[Shaheen]

Re: *~ Bollywood Diary ~* (Daily Updated)

شاہ رخ خان پہلے بالی وڈ سٹار ہوں گے جن کا پتلا پیرس کے میوزیم میں لگے گا
کنگ خان کا پتلا
بالی وڈ کے کنگ خان اب ایک قدم سب سے آگے نکل گئے ہیں جی ہاں پیرس کے فرینچ گریون میوزیم میں اب ان کا پتلا لگایا جائے گا اس طرح خان پہلے بالی وڈ سٹار ہوں گے جن کا پتلا سب سے پہلے پیرس کے میوزیم میں لگے گا۔برطانیہ کے مادام تساد میوزیم میں حالانکہ ان کا پتلا ایش اور بگ بی کے بعد لگا تھا۔

[Shaheen]

Re: *~ Bollywood Diary ~* (Daily Updated)

ہمیش کا سچ
ہمیش ٹوپی کیوں پہنتے ہیں؟ یہ آخر انہوں نے اپنی فلم ' آپ کا سرور کی ریلیز کے بعد آخر قبول کر ہی لیا۔ہمیش اپنے بالوں کا علاج کروا رہے ہیں یعنی ہمیش کے سر کے بیچ میں بال کم ہو چکے ہیں اور اسے چھپانے کے لیے وہ ٹوپی پہن رہے تھے۔دیکھا کس طرح ہمیش نے سب کو ٹوپی پہنائی تھی۔

[Shaheen]

Re: *~ Bollywood Diary ~* (Daily Updated)

عامر ایک عرصہ سے بالی وڈ کے سب سے مہنگے اداکار مانے جاتے رہے ہیںبالی وڈ کے مشہور اداکار عامر خان نے ایک فلم کے لیے پندرہ کروڑ روپے لیے ہیں۔ ایک اندازے کے مطابق اس سے پہلے کسی بھی فلم سٹار کو ایک فلم کے لیے اتنی بڑی رقم نہیں ادا کی گئی ہے۔ اس طرح عامر خان نے یہ بھی ثابت کردیا کہ بالی وڈ میں وہ سب سے مہنگے اداکار ہیں۔
بھارتی فلمی صنعت میں ستاروں کی قیمت بہت پہلے کروڑوں تک پہنچ چکی تھی۔ رتیک روشن نے ایک فلم دس کروڑ روپے میں سائن کر کے بالی وڈ میں ایک ریکارڈ قائم کیا تھا۔ اس وقت ان کی فلمیں کرش اور دھوم پارٹ ٹو نے اچھا بزنس کیا تھا۔
عامر ایک عرصہ سے بالی وڈ کے سب سے مہنگے اداکار مانے جاتے رہے ہیں۔ جس وقت انہوں نے فلم، منگل پانڈے، فنا اور رنگ دے بسنتی، میں کام کیا تھا اس وقت انہیں ایک فلم کے لیے سات کروڑ روپے دیے گئے تھے اور یہ معاوضہ سب سے زیادہ تھا۔اس دوران شاہ رخ پانچ کروڑ اور سلمان دو سے تین کروڑ روپے میں سائن کیے جاتے تھے۔

کسی سٹار کی قیمت باکس آفس پر اس کی فلم کی کامیابی سے طے کی جاتی ہے۔ اس معاملہ میں آج بھی عامر اول نمبر پر ہیں۔ ان کی کوئی بھی فلم ناظرین کو تھیٹر تک لانے میں کامیاب ہو جاتی ہے۔ آج باکس آفس پر پہلے اور دوسرے ہفتے کی کامیابی ہی فلم کی کامیابی کی ضامن کہلاتی ہے۔

امریکہ اور لندن میں شاہ رخ خان




یش راج فلمز اسی لیے اپنی ہر فلم شاہ رخ کے ساتھ ہی بناتے ہیں کیونکہ شاہ رخ کی موجودگی ہی فلم کے بزنس کی ضامن کہلاتی ہے۔ فلموں کے تجزیہ کار یہ
رتیک روشن نے ایک فلم دس کروڑ روپے میں سائن کر کے بالی وڈ میں ایک ریکارڈ قائم کیا تھ
بالی وڈ میں ایک اچھی اور کامیاب فلم لاکھوں نہیں کروڑوں میں بنتی ہے اور جب فلمساز ایسے سٹارز کو فلم میں لیتے ہیں جن کی موجودگی باکس آفس کی ضمانت ہوتی ہے تو پھر وہ سو کروڑ روپے تک بزنس کر لیتے ہیں ایسے میں عامر یا شاہ رخ کو پندرہ سے دس کروڑ دینا ان کے لیے منافع کا سودا ہے۔

[ChaMpioN PaKiStaNi]

Re: *~ Bollywood Diary ~* (Daily Updated)

بھارتی فلم قافلہ کی پاکستان میں نمائش

[Shaheen]

Re: *~ Bollywood Diary ~* (Daily Updated)

غمزدہ بالی وڈ
عدالت کی کارروائی شروع ہوئی اور عدالت نے ان کے ایک ساتھی روسی ملا کو اچھے برتاؤ کے لیے بنائے گئے قانون پروبیشن آف اوفینڈرز ایکٹ کے تحت جب انہیں رہا کرنے کاحکم صادر کیا تو سنجو کے چہرے پر ہلکی سی امید کی کرن نظر آئی۔ میں نے انہیں اشارے سے کہا اب آپ بھی چھوٹ جاؤ گے۔ سنجو مطمئن نظر آنے لگے۔ انہوں نے اوپر ہاتھ کر کے اشارہ کیا۔ جیسے خدا کا شکر ادا کر رہے ہوں۔
منہ میں گٹکا تھا جسے وہ دھیرے دھیرے چبا رہے تھے۔ شرٹ کے بٹن کھلے تھے اور پنکھے کی ہوا بھی تیز تھی لیکن چہرے پر پسینہ صاف جھلک رہا تھا۔ اس کے بعد جج نے سنجو کے جرم گنوانے شروع کیے۔ جج کے اس بیان سے سنجو کے چہرے کے تاثرات بدلنے لگے۔ وہ بار بار پہلو بدلنے لگے۔ جج نام لیتے تو وہ اٹھ کھڑے ہوتے۔ جج نے ان کی اس پریشانی کو محسوس کر لیا اور انہیں بیٹھنے کے لیے کہا۔ سب صحافیوں کے ساتھ میں بھی جج کے فیصلے کو نوٹ کرنے لگی۔ جج نے سزا سنائی چھ سال قید بامشقت اور پچیس ہزار روپیہ جرمانہ۔

*~*~*~*~*~*~*~*~*~~*~*~*~
سلو نے پارٹی منسوخ کردی

سلو بھیا سنجو بابا کو اپنا بڑا بھائی مانتے ہیں

[Shaheen]

Re: *~ Bollywood Diary ~* (Daily Updated)

پریشان سنجو
ائر کنڈیشن کمرے میں مخملی بستر پر سونے والے سنجو کو جیل کی سخت زمین پر نیند نہیں آرہی ہے۔ کمرے میں پنکھا نہیں ہے، اس لیے گرمی اور مچھر پریشان کر رہے ہیں۔ ان کے خون کا دباؤ کبھی کم تو کبھی زیادہ ہو رہا ہے۔ ڈاکٹروں کا کہنا ہے کہ دراصل وہ اس قید کو ذہنی طور پر قبول نہیں کر پا رہے ہیں۔ بالی وڈ اور ان کے پرستار ان کی ضمانت کے لیے دعا کر رہے ہیں۔
سنا ہے سنجو بابا جیل میں قیدیوں کے لیے کھانا پکانے میں مدد کریں گے اور ساتھ ہی جیل میں رہ کر گاندھی کے اصولوں پر مکمل معلومات حاصل کرنے کے لیے کتابیں پڑھیں گ

[Shaheen]

Re: *~ Bollywood Diary ~* (Daily Updated)

چی چی کا منتر
چی چی۔۔ وہی اپنے گووندہ جنہیں بالی وڈ چی چی کے نام سے جانتا ہے۔ سلمان کے ساتھ فلم کرنے کے بعد ان کے سر پر بھی فٹ رہنے کا جنون سمایا ہے اور اس کے لیے انہوں نے جم جانے جیسی مشکل سے بچنے کے لیے ایک نیا منتر اپنایا ہے۔ یعنی وہ اب کسی بھی عمارت میں لفٹ سے نہیں بلکہ سیڑھیوں سے اوپر چڑھیں گے اور فلم کی شوٹنگ پر کار میں جانے کے بجائے سلو کی طرح سائیکل چلا کر سٹوڈیو پہنچیں گے۔

[iRFAnSajiD]

Re: *~ Bollywood Diary ~* (Daily Updated)

[iRFAnSajiD]

Re: *~ Bollywood Diary ~* (Daily Updated)

چھوٹے نواب کی مونچھ


چھوٹے نواب (سیف علی خان) آجکل صرف گھر سے سٹوڈیو شوٹنگ کے لیے جاتے ہیں۔ انہوں نے پارٹیوں میں جانا ہی چھوڑ دیا ہے۔۔۔۔۔نہیں وہ نہ تو اداس ہیں اور نہ ہی بیمار بلکہ انہیں یش راج فلمز کی جانب سے سختی کے ساتھ ہدایت ہے کہ وہ اپنا نیا لُک کسی کو نہ دکھائیں۔ سیف بابا نے اپنے نئے رول کے لیے چھوٹی چھوٹی مونچھیں رکھی ہیں اور فلمساز چاہتے ہیں کہ ان کا یہ نیا انداز دنیا کے سامنے ان کی فلم کے ساتھ ہی سامنے آئے تاکہ دنیا دیکھ کر کہہ سکے کہ مونچھیں ہوں تو سیف جیسی۔۔۔۔

[iRFAnSajiD]

Re: *~ Bollywood Diary ~* (Daily Updated)

چک دے خان

۔

[iRFAnSajiD]

Re: *~ Bollywood Diary ~* (Daily Updated)

رتیک کی اردو ماشااللہ

جودھا اکبر فلم کی شوٹنگ تو مکمل ہو گئی لیکن اب ڈبنگ جاری ہے اور رتیک اپنے استاد کمال احمد سے اردو سیکھ رہے ہیں۔ ان کے یہ استاد ان کے ساتھ سٹوڈیو بھی جاتے ہیں تاکہ ڈبنگ میں خبر کو کھبر نہ کہیں۔

[iRFAnSajiD]

Re: *~ Bollywood Diary ~* (Daily Updated)

بھائی معاف کردو



شلپا کے کہنے پر سلّو نے محض سر ہلا دیا لیکن سلّو شاید وہ وقت نہیں بھولے جب وویک نے پریس کانفرنس طلب کر کے ان کے خلاف بیان دیا تھا۔ ہمیں لگتا ہے سلّو اب آپ وویک کو معاف کر ہی دیجیئے کیونکہ جس وجہ سے انہوں نے آپ کے ساتھ سب کچھ کیا وہ وجہ بھی تو اب ان کے پاس نہیں رہی۔ آپ کا کیا خیال ہے؟

[iRFAnSajiD]

Re: *~ Bollywood Diary ~* (Daily Updated)

سلو کا انکار

رقص کے ایک پروگرام میں سلو( سلمان خان) کو بپ (بپاشا) کو اپنے ہاتھوں میں اٹھانا تھا۔ لیکن سلو نے بپ کو اٹھانے سے انکار کر دیا۔اب بھئی یہ سلو ہیں جن کے موڈ کا کوئی پتہ ہی نہیں لگا سکتا۔ لیکن ہمیں زیادہ حیرت نہیں ہوئی کیونکہ ہمیں پتہ ہی ہے کہ جان کے ساتھ سلو کی اَن بَن ابھی بھی جاری ہے اور بھلا سلو جان کی دوست کو کیسے بخش دیتے۔