~*~Serf Zubani Jama Kharch~*~

[shy]

[Muhammad Khalil]

Re: ~*~Serf Zubani Jama Kharch~*~

Sorry Ager aap ny wohan ja ker dekha hun to aap ko paata chaly jab lahore main pehla hungama huwa tha to main wohin per tha
u cant belive k sab Molvi Hazrat Darrioon walon ny hee kia tha
Unoon ny pata nahi kaha DanDay ly ker larkoon ko diy thay aur wo toor phoor kre ray thy
yeh sab Molvi hazrat apni siyasi dukan ko chamkany k liy ker rahy thy
han un main thy wo b Jo hakeektan ehtijaj ker rahy thy
lakin sab hungamoon ka kasooorwar main molvi ko hee kahoonga

[Spy009]

Re: ~*~Serf Zubani Jama Kharch~*~

Maine Pakistan ke protest ko TV news mein dekha tha...unn logon ka protest aisa lag raha tha jaise Denmark ke khilaf nahin balke Pakistan ke khilaf ho...destruction apne hi mulk

[Masood]

Re: ~*~Serf Zubani Jama Kharch~*~

Maine Pakistan ke protest ko TV news mein dekha tha...unn logon ka protest aisa lag raha tha jaise Denmark ke khilaf nahin balke Pakistan ke khilaf ho...destruction apne hi mulk

Pehley main aap ki baat ka jawab dena chahoon ga Spy.

Baat yeh hai keh jab kisi mulk mein halaat bohat kasheedah ho jaein to wahan per aik halki si chingari bohat badi aag bharkaa deti hai. Aaj kal hamarey mulk mein aisa hi ho raha hai. Yeh jo torr phorr hui hai yeh isi baat ki ghamazi karti hai keh yeh protest cartoons key khilaf kam aur mulki halaat ki abtari key khilaf ziyada tha. Aik nafrat ka izhaar tha jo awwam ney apni hakoomat key khilaf kiya hai. Aur abhi yeh mazeed phailey ga.

Shy Lahore mein jo kuchh huwa is mein kauna mulawis hai yeh Khuda ki zaat hi janti hai. Magar dekhney walon ney dekha aur kehney waley kehtey hain ismein mazhabi jamatein shamil nahin thi, aur kuchh kehtey hain woh bhi shamil thi. Khair aik bat jiska izhaar soch rakhney waley tabqey ney mehsoos ki hai keh yeh sab kuchh mulki halaat ki kharabi aur hakoomat ki na'kis kar'kardgi key khilaf aik khula aelan hai keh agar abhi bhi Pegham na samajh sakey to bohat nuqsaan ho ga.

Mulk mein fasadaat ki lehar mein berooni saazishein bhi shamil hai. Woh luterey jo chand dino mein Pakistan key dorey per aa rahey hain, unho ney nafrat ki aik aag laga kar usper apney karindey (hakoomatein) bithaa di hain aur hamari bad'naseebi keh ham mein LOTEY bohat hain...

[baykamal]

Re: ~*~Serf Zubani Jama Kharch~*~

Assalaam o alaikum
masood bhaee ki baat kaafi hadd takk theek hay!
jabb mehngai ki jalan bayinsaafi ki tapish aur bayrozgaari ki chubhan dil maiN ho to awam aap ko iss k badlay phool to paish karnay say rahay! aur waisay b hakoomat ka koi jalsa ho to 5000 to sirf fauji aayai huay hotay haiN. aur Lahore maiN to police sirf punjab assembly ki hifazat kar rahi thi.

uss pay hakoomat ka tarz e amal k musharraf saab nay baa wajood iss cartoon k norway maiN shaya honay k, wo aik waziroN musheeroN aur mehez norway daikhnay waloN ki aik fauj lay k norway rawaana huay.. uss waqt takk norway nay 13 islami mumaalik k safeeroN k wafd say mulaqaat say inkaar kia hua tha. laikin aik lafz b nahi kaha gya k aap nay cartooN shaya kiay iss say jazbaat e muslim majrooH huay. nihayat DhiTaee say tamaam daura mukammal kia aur SYED pervaiz musharraf watan wapis aayai.

teesra rawwiyya unn molvioN ka hay jo paliament k members haiN.
unhoN nay Lahore maiN jaloos maiN shirkat takk nahi ki aur hajoom baghair kisi leader k dandanaataa raha aur jo kuch kharaabi kar sakta tha karta raha.

molvioN ki doosri qism Jo k banned organizations say thay jin pay paabandi ko taqreeban 3 say 4 saal ho chukay haiN laikin wo ab bhi kisi na kisi hadd takk sargaram haiN. nihayat shadeed soch k haamil gini jaati haiN yai tanzeemaiN.aur afsos say yai kehna paRta hay k unn k liay apna mafaad sabb say ahem hay!

KHI maiN ehtijaj iss wajah say kaamyaab hua k wahaaN k zimmay daar afraad nay soobaaee hakoomat aur qaanoon naafiz karnay walay idaroN say tamaam waqt raabta rakha aur aik doosray k liay gunjaaesh paida ki taa k yai ehtijaaj pur aman taur pay khatam ho sakay! sabb say baRi baat k mujhay yai hi laga k ishq e rasool say sarr shaar log thay jinhaiN hungamay say paida honay wali soorat e haal ka ehsas b thaa.

ALLAH hamaari aazmaaesh maiN hamaari kifayat karay!
Wassalaam
Raza Baykamal

[RulzZ]

Re: ~*~Serf Zubani Jama Kharch~*~

---

[.]

Re: ~*~Serf Zubani Jama Kharch~*~

jab tohhen roslat(S W) par ehtejaj kar rehay they to baki apnay maslay masayil ghar choor atay na toor phoor shuru kar di ....