Pakistan's natural resources VS its dependency on USA

[Mr. Sialkoty]

Aslam-o-Alaikum PG friends,

Aik different topic ke saath hazir hoon. Hahan hum 2 different cheezon ko alag se bhi discuss karein ge aur us ka aik takabli jaiza bhi lein ge.

Hamaray mulk mein "energy crisis" kai saalon se chal raha he jo na to hul ho raha he aur na mustakbil kareeb mein hul hota dikhta he. Waja funds ki kami aur lack of resources batai jati he. Aaj Pakistan ki energy generation 1980 ki energy generation se bhi kum he. Pakistan ki major dependency Hydral power he. Pakistan ki total energy needs 17000 mega watt k lugbug he jub ke deficiency 5000 MW k lugbug he.

Pakistan mein "Thar" se koilay ke zahair ki daryaaft 1990 k dahai k awal mein ho chuki thi. Is koilay ko "black diamond" ke naam dia gaya kyoon ke is koilay mein sulfur ki mikdaar bohat kum he, aasan lafzoon mein is koilay se acha output hasil kia ja sakta he. 2 Dahaiyaan beet gaein per koi khatar khawa kaam nahi kia gaya (is ki waja baad mein discuss karein ge). Pakistan mein koilay ke is zaheeray ki estimation 185 billion Ton he. World market mein koilay ki price approx 100$ per Ton he. Yani Pakistan mein koilay ke zahair ka tehmeena 18500 Billion Dollars ka he. Is koilay ka sirf 2% Pakistan ko 50 saal tak 20,000 Megawatt ki bijli faraham ker sakta he. Yeni ager hum saaray hydral power plants band bhi ker dein to bhi yeh tawanai hamaray liye kafi ho gi.

Pakistan ke budget ki taraf aatay hein. Pakistan ka salaana budget koi 38 Billion Dollar he. Jis mein Pakistan ka defense budget ziada se ziada 7 Billion dollar honay ki tawaku he. Kerry-Loger pact ke tehat humein 5 saal tak salaana 1.5 Billion Dollars miltay hein. Yani 5 saal mein ager hum American ke hazoor sir juka ke hazri dete rahein ge, ji hazoor ker ke us ki jaiz na-jaiz khawahishaat ki takmeel sar'e'hum ker ke kerte rahein ge tub ja ke hamein 7.5 billion dollar se nawaza jaye ga. Is 7.5 billion dollar ki keemat awami jazbaat ke katal se bhi jukani paray gi.

Hamaray Koal ke resources ko utilize kerne k liye sirf 4 Billion dollar ki investment ki zaroorat he. Jo ke kisi tareekay se Pakistan se na source ho rahay hein aur na hotay dikh rahay hein. Waja - non-seriousness of our political leadership. Lekin hamaray leaderaan "Jamhooriyat ke istehkaam" k lakeer peetnay se aagay he nahi aa rahay.

Is scenario mein aap loogon se kuch sawaalaat kerna chahoon ga.

1. Moojooda political scenario mein hamaray political leadership ka agenda kia hona chahiye, is ki priority kia honi chahiye?

2. Kia Pakistan ko America se amdaad leni chahiye?

3. Coal reservoirs ko abi tak utilize nahi kia ja saka, aap ke nazdeek is ki waja kia he.

Your comments are being awaited.

[crystal_thinking]

Re: Pakistan's natural resources VS its dependency on USA

yeh sab tu pata hy per iska maqsad kia hy??? hona tu wohi hy jo ho ra hy..

[Mr. Sialkoty]

Re: Pakistan's natural resources VS its dependency on USA

yeh sab tu pata hy per iska maqsad kia hy??? hona tu wohi hy jo ho ra hy..

Yeh aik aisi he baat he ke aik badsha apna khazana chupa ke gada'gar ban jaye.

[Dr Fausts]

Re: Pakistan's natural resources VS its dependency on USA

hmmmm


is pa reply karna chah reha liken sad Afsos ka bijli Janay walii so kal is
pa Apni Raay do ga...



khush rehay



BKS...

[Mr. Sialkoty]

Re: Pakistan's natural resources VS its dependency on USA

@ BKS

Aap ke jawaab ka muntazir rahoon ga

[Jamil Akhter]

Re: Pakistan's natural resources VS its dependency on USA

China intends to invest in Thar coal project
Thursday, 21 April 2011 02:53
0 Comments





Syed-Qaim-Ali-Shah
KARACHI: Sindh Chief Minister Syed Qaim Ali Shah on Wednesday held a meeting with seven-member Chinese delegation here at the CM House.

Shah welcomed the Chinese delegation on behalf of the Sindh Government, Sindh Cabinet and people of the province.

He said that Pakistan and Peoples Republic of China have friendly and old relations which were strengthened during the visit of former Prime Minister Shaheed Zulfikar Ali Bhutto.

He added that the Prime Minister of China during his visit to Pakistan had expressed that his country wants to invest in Pakistan particularly in energy sector.

China is a very advanced country and has achieved remarkable development and progress in various sectors, and Pakistan intends to avail the facilities from those achievements, he said.

Chairman of state owned China Godian Group Ms Renaiquin, in her discussion informed that their group is engaged in Mining and Power sector based with coal power, solar energy, wind energy and also in petro-chemicals.

She said that their group was generating 88,000 MW of power in China and intends to invest in Thar coal and all other projects under infrastructure.

The Chinese group informed that they will prepare detailed proposal and the same will be sent to the Sindh Government for further negotiations.

Advisor to C.M. Sindh for Investments Zubair Motiwala said that Pakistan has always treated China as trust worthy and hoped that the Chinese Guodian Group will fully participate in development process of Thar coal and energy project.

He added that the project is commercially viable and the Chinese group can also utilise sources of solar energy and wind energy together with coal gasification for power generation.

Sindh Secretary for Thar Coal and Energy Department Aijaz Ali Khan in his detailed briefing informed that there is an estimated 860 billion tonnes of coal reserve in the world which includes bituminous and anthracite 405 billion tonnes, sub-bituminous 260 billion tonnes and lignite 195 billion tonnes.

He said that there is coal reserve of 186.560 billion tonnes in Sindh, 235 million tonnes in Punjab, 217 million tonnes in Balochistan, 90 million tonnes in Khyber Pakhtunkhwa and 9- million tonnes is Azad Kashmir.

Aijaz Ali Khan also pointed to the socio-economic impact of load-shedding and said that Pakistan is facing acute energy shortages leading to socio-economic costs of load shedding estimated at $ 37 billion between 2007 and 2012 while loss of Rs 219 billion to industrial sector alone during 2008 in Pakistan.

He said that the vision for Thar coal is to develop it as a source of power generation for energy and economic security of the country and as a Hub of petro chemical industry while as per goal, at least 10,000 MW power will be generated by 2020.

The meeting was also attended by Advisor to C.M. for Investment Zubair Motiwala, Secretary to C.M. Alamuddin Bullo, Secretary Investment Sindh M. Younis Dagha, Asad Ali Shah, and others.

[crystal_thinking]

Re: Pakistan's natural resources VS its dependency on USA

Yeh aik aisi he baat he ke aik badsha apna khazana chupa ke gada'gar ban jaye.

tumhry pass koi strategy hy inko utilize kar sakty???? yeh to wohi bat hy k media politicians ko bolata hy k awam ro re hy mar re hy per sirf baten he hoti hal kisi k pass nai

[Mr. Sialkoty]

Re: Pakistan's natural resources VS its dependency on USA

tumhry pass koi strategy hy inko utilize kar sakty???? yeh to wohi bat hy k media politicians ko bolata hy k awam ro re hy mar re hy per sirf baten he hoti hal kisi k pass nai

Natural reservoirs ki extraction aur utilization hakoomat-e-waqt ki zumadaari hoti he. Hamari hakoomat jitna berooni dunia se maangnay ki taraf dehaan de rahi he utna apne resources per dehaan de unhein utilize karay to yeh apni economy ko aik big boost de saktay hein.

Baat se baat nikalti he aur kahan tak pohanch jati he. Egypt mein jo inklaab aaya wo "Facebook" ke through aaya. Kuch hum khyaal loog Facebook mein milay aur yeh hum khyaal loogon ka dairakaar berhta raha aur aik din facebook per he decide ker ke yeh hum khyaal loog chand aik soo ki tadaad mein bahir niklay and rest of the ppl joined their hand. Loogon ki awaz aik ho gai aur dekhtay he dekhtay Husni mubarak ka takhta palat dia.

Media load shedding pe bohat chillata he. Awaam ko itna pata he ke Thar mein koila he per us ke potential aur related stats se be'khabar hein. Ham apni capacity mein itna he ker saktay hein ke information spread karein ke awaam mein shaoor aa jaye. Awaam ko seyasatdaano ke ganday kheel se aagahi mil jaye. Kharboon dollars ke reservoirs ko hum zameen mein daba ker dunia ke aagay aakhir haath kyoon phela rahay hein. Aakhir hamari gairat ka meyaar kia he

[Dr Fausts]

Re: Pakistan's natural resources VS its dependency on USA

:rose

[Mr. Sialkoty]

Re: Pakistan's natural resources VS its dependency on USA

@ BKS

Aap ke comprehensive reply/analysis kia meri bhi information mein aik aadh point ka izafa hua is k liye mein aap ka mamnoon hoon. 80 cents per unit ka concepts mujay doubtful lagta he yeh kafi figure he. I hope aap 80 paisa ki baat ker rahay hoon ge?

Deputy chairman of the planning commission ne aik baar interview dete huay kaha tha ke Pakistan ke Pakistan ke coal reservoir jo ke 10,000 sq kilometer tak phelay hein in ki energy equivalent he 576 billions of barrel of oil produced by three largest countries yani Russia, Saudi Arabia aur USA ke oil reserves ke barabar hein.

Mein aap ki baat se itfaaq karon ga ke political leadaraan ne ager itnay heavy stats ko samnay rakh ker kisi mansoobay ki daag bail daali hoti to aaj Pakistan tawanai ke shoobay mein ya to khud kafeel ho chuka hota ya mustakbil kareeeb mein khud kafeel ho jata.

Coal energy ke projects pe ager aaj bhi kaam start kia jaye to hamein output k liye kum az kum aik dahai ka intzaar aur kerna paray ga. Hamaray seyaasi ledraan ki hamakat ne hamein 20 se 30 saal mazeed peechay daal dia.

[Dil Peshawari]

Re: Pakistan's natural resources VS its dependency on USA

I completely agree with Professor sahab.........inn reservoires say humm tabhi fayeda utta sakaingay jab mulk mein amn o aman ki surat e haal paida hogi........Humm rozaana newspapers mein parhtay hain ke fulan jaga se chinese engineers kidnap huey, fulan jaga se Korean engineer ki laash mili hai etc etc....jab mein razmak cadet college mein tha tab meine apney teachers jo wahan ke muqami thay se suna tha ke yahan ke paharon mein qeemati pattar bakasrat moujood hain isi tarah poori waziristan agency besh baha qeemati zakhayir se maala maal hai par ye sab tabhi mulk ke liye faayeda mand hongey jab wahan aman o aman hoga......laiken sadd afsos humari siyasi aur askari qiyadat to dollars ke liye parayee jang apney ghar le aaye hain.....aur aaj apney hi boye hue pasal ko kaat rahay hain.......

[Capt.Abdur Rehman]

Re: Pakistan's natural resources VS its dependency on USA

1. Moojooda political scenario mein hamaray political leadership ka agenda kia hona chahiye, is ki priority kia honi chahiye?

2. Kia Pakistan ko America se amdaad leni chahiye?

3. Coal reservoirs ko abi tak utilize nahi kia ja saka, aap ke nazdeek is ki waja kia he.

Your comments are being awaited.

1. Answer: Taking all stake holders of the nation in trust and revisit the writ of the Government. National interests ki clear definition..media..awaam..legislature..judiciary.. or executive ...sab ko aik jasi hi pata honi chaiye...

2. America say imdad to tab mili thi jab hum nay uss kay kuch kaamo me iskimadad kerna shorro ki thi...wokaam aaj band ker do ...to no imdad...we need a clear stance.
3. Politicians baja non serious han per still kaafi technical problems hian jin ka ehaata ya mumkin nahi.

[Mr. Sialkoty]

Re: Pakistan's natural resources VS its dependency on USA

I completely agree with Professor sahab.........inn reservoires say humm tabhi fayeda utta sakaingay jab mulk mein amn o aman ki surat e haal paida hogi........Humm rozaana newspapers mein parhtay hain ke fulan jaga se chinese engineers kidnap huey, fulan jaga se Korean engineer ki laash mili hai etc etc....jab mein razmak cadet college mein tha tab meine apney teachers jo wahan ke muqami thay se suna tha ke yahan ke paharon mein qeemati pattar bakasrat moujood hain isi tarah poori waziristan agency besh baha qeemati zakhayir se maala maal hai par ye sab tabhi mulk ke liye faayeda mand hongey jab wahan aman o aman hoga......laiken sadd afsos humari siyasi aur askari qiyadat to dollars ke liye parayee jang apney ghar le aaye hain.....aur aaj apney hi boye hue pasal ko kaat rahay hain.......

Hamaray mulk ka aik aur bara almiyaa "ilaqai mufaad" he jo ke "koomi mufaad" se bala tar samja jata he. Jis ilaqay mein se koi cheez daryaaft hoti he us ke mukaami loog usay apni property samaj ker "mulki mufaad" ko pas'e'pusht daal dete hein. Isay mein hakoomati machinery ko bhi kafi mushkilaat ka samna kerna perta he. Aur hakoomati almiya yeh hay ke wo wahan ke loogon ko puri tarah aitmaad mein nahi leti, jis ka nateeja aye din Gas Pipe line, grid stations ko dhamakay se uraa dena. Engineers ko aghwaa ker lena etc etc. Un ilaaqon ke elected representatives is moaamlay mein salasi ka kirdaar adaa ker saktay hein lekin mein ne hameesha unhein bhi yahi kehta suna he ke yeh reservoirs Balochistan ki malkiyat hein yeh Sindh ki malkiyat hein aur in per sirf sindh ka haq he and blah blah.

Mein is baray mein kanooni peecheedgiyoon se puri tarah aagah nahi hoon, Mere khyaal mein is per legislation honi chahiye aur mutfika toor per kanoon saazi honi chahiye ta ke kisi ko bhi aitraaz na ho. Humaray loogon ka almiya yeh he ke khazana pura haath aaya bhi nahi aur hum is per malkiyati haq jatanay lagay.

Mera manana yeh hay ke hamari koom hameesha jald baazi ki waja se late hoti he jis ki misaal hamari traffic se li ja sakti he. Her koi jaldi pohanchnay ke chakar mein doosray ka raasta rook leta he. Hum loog system ko follow kerna kub seekhein ge. Kub hoon ge hamari koom ke halaat darust

[Mr. Sialkoty]

Re: Pakistan's natural resources VS its dependency on USA

1. Answer: Taking all stake holders of the nation in trust and revisit the writ of the Government. National interests ki clear definition..media..awaam..legislature..judiciary..or executive ...sab ko aik jasi hi pata honi chaiye...

2. America say imdad to tab mili thi jab hum nay uss kay kuch kaamo me iskimadad kerna shorro ki thi...wokaam aaj band ker do ...to no imdad...we need a clear stance.
3. Politicians baja non serious han per still kaafi technical problems hian jin ka ehaata ya mumkin nahi.

Aik point jo highlight kia he mein usay bohat appreciate kerta hoon. Mera khyaal he ke hamaray hukmarano ne "National interest ki clear definition" he nahi ki awam ke samnay. Awam aur hukmaraano mein bohat ziada communication gap he. Hukmaraan hameesha he apne seyaasi guth'joor mein masroof'e'amal nazar aatay hein aur un ke paas itna time he nahi bachta ke wo awaam ke samnay aik achay aur precise tareekay se National Interest ko explain ker sakein.

Mein kehta hoon ke Saaray hukmaraan muthid ho ker puray Pakistani Media k samnay day long demonstration dein "Kala bagh dam" ki ehmiyat aur "thar coal reserves" ke fawaid per. To shayad awami satah per jo bhi misconceptions hein wo 90% tak door ho jaein. Aik chooti si effort bhi kafi bari change la sakti he. Koi kadam aagay berhata nahi. Koi barish ka pehla katra bananay ko teyaar nahi.

America ager 1.5 Billion dollar ki imdaad de raha he lekin us ka khamyaaza pakistan ne 34000 masoom loogon ki kurbaniyoon se bhugta. Yeh kahan ki akalmandi he. Hamaray pyaaray watan ke loogon ka khoon itna susta kyon ker dia gaya.

[Dil Peshawari]

Re: Pakistan's natural resources VS its dependency on USA

Hamaray mulk ka aik aur bara almiyaa "ilaqai mufaad" he jo ke "koomi mufaad" se bala tar samja jata he. Jis ilaqay mein se koi cheez daryaaft hoti he us ke mukaami loog usay apni property samaj ker "mulki mufaad" ko pas'e'pusht daal dete hein. Isay mein hakoomati machinery ko bhi kafi mushkilaat ka samna kerna perta he. Aur hakoomati almiya yeh hay ke wo wahan ke loogon ko puri tarah aitmaad mein nahi leti, jis ka nateeja aye din Gas Pipe line, grid stations ko dhamakay se uraa dena. Engineers ko aghwaa ker lena etc etc. Un ilaaqon ke elected representatives is moaamlay mein salasi ka kirdaar adaa ker saktay hein lekin mein ne hameesha unhein bhi yahi kehta suna he ke yeh reservoirs Balochistan ki malkiyat hein yeh Sindh ki malkiyat hein aur in per sirf sindh ka haq he and blah blah.

I agree ye factor bhi hai par iska qaanooni aur aayeeni haq talash karna chahiye......wifaq ko chahiye ke soobon ke saath barabari ka salook karay......har aik ko apna shair dey......and i think humarey constitution mein inn cheezon ke liye baaqayed qawaneen hain jinki paasdaarri nahi hoti.....for example NFC awards......provincial autonomy.....jiss se soobon ki ehsaas e mahroomi ko khatam kiya jaa sakta hai......par tab jab humaray hukumraan serious hoon.....abhi aap aaghaz-e-haqoor-e-balouchistan ko hi le lijiye.....elaan to bohat pehley hochuka hai par practically nothing have been done.....aaye rozz logg mar rahay hain kisi ko parwa hi nahi.......jab tak aap apney mulk ke andar inssaf se kaam laitay hain mulk ke haalat teek jatay hain aur yun mulk taraqi karta hai.......