Muflis Keh Jis Ghareeb Ki Duniya Nahin Drust!

[Masood]

:emb

[Masood]

Re: Muflis Keh Jis Ghareeb Ki Duniya Nahin Drust!

:emb

[La'hasil]

Re: Muflis Keh Jis Ghareeb Ki Duniya Nahin Drust!

hmm.. thanx for Sharing



khush rahyeah :rose

[handsome]

Re: Muflis Keh Jis Ghareeb Ki Duniya Nahin Drust!

hmmmm perh ker afsos hova :(

[WOH LARKI]

Re: Muflis Keh Jis Ghareeb Ki Duniya Nahin Drust!

Masood aap ne boht achha mozoo chuna, mugar meray ilm k mutabiq pakistan ki 37 feesad aabadi khwandah hey.may be ab graph kuch neechay chala gaya ho ya may be yeh an parh parhay likhay hon jin ki shra e tanasub ka mujhey ilm hey, iss lehaaz se aap ki tehqeeq drust ho sakti hey. :)

Aap ne bilkul drusr farmaya k daulat ki ghalat taqseem, jagirdarana nizam aur humari hakoomati polisiyan amiron ko amir tar aur ghareebon ko ghareebon ko ghareeb tar bana rahi hein. Kuch mah pehlay Pakistan jana hua to ISLAMABAD aur RAWALPINDI mein jo rehayeshi mansoobay shiroo kiye gaye hein unhein dekh kar barri khushi hui k mera watan bhi taraqqi ki raah par gaamzan hey, BEHRIYA TOWN ki planning aik boht barra mansooba hey, mugar meray walid e muhtaram murhoom ne mujhey btaya k betay yeh saray funds hakoomat ko doosray mumalik ki traf se ghareebon k liye miltay hein, ta k un ki taleem aur tarz e zindagi ko behtar bnaya ja sakay, chotay shehron aur qasbon mein sarrkon aur schoolon ko behtar bnaya jaye, mugar yeh funds ghareebon tak pohnchtay hi nhi hein, yeh barray shehron mein barray logon ki aasayesho par hi kharch kiye jatay hein, yeh mulk ki taraqqi nhi hey balkeh ghareeb aur ameer k darmyan k farq ko aur zayada barhanay ka sabeb hey. Agar yehi ropya achi planning k sath asal maqased k liye kharch kiya jaye to yeh afrat o tafreet ka silsala khatum to nhi mugar kisi hadd tak kum kiya ja sakta hey.

[najma]

Re: Muflis Keh Jis Ghareeb Ki Duniya Nahin Drust!

masood sahib aur muskan!
aap donoN ke hi mazmoon aur raet paRhii
afsos se dil bhar aayaa, goya zakhm tazah hojaeiiN.
afsos ye keh ham , sab jante haiN lekin kuch kar nahii sakte.taqat hamare paas naheeN hay, wo to waderoN ki tijori meiN band hay.
ham to sirf kuch yuuN jee rahay haiN.

(apne hi ek she,r meiN )

zanjeer ba-paa kar ke sayyad ne choRa hay
kesii aseerii hay, ye kesii hay aazaadii
najma ansar najma

[Masood]

Re: Muflis Keh Jis Ghareeb Ki Duniya Nahin Drust!

37 feesad aabadi khwandah hey

Hakoomati aadad-o-shumaar key mutabiq yeh hadaf 40 key qareeb hai, lekin hakoomat key kya kehney.... wahan par to har baar voting mein bhi 70 feesad sey ziyada apni voting cast kartey hain...

mugar yeh funds ghareebon tak pohnchtay hi nhi hein, yeh barray shehron mein barray logon ki aasayesho par hi kharch kiye jatay hein

Yeh to aik bohat purani baat hai keh hamarey mulk ko milney waley funds kabhi us kaam par istimaal nahin kiye jatey jis ki gharz sey BHEEK MAANGI jati hai. Maloom nahin kyun, mera dil kehta hai keh hamara mulk ghareeb nahin, issey ghareeb bnaya geya hai. Aap ghaur karein, kitna paisa Swiss banks mein parra huwa hai? Kitna paisa Defence par kharch kiya jata hai? Qudarti wasaeel sey mala maal mulk hai to phir ghareeb kyun??? Ghalban yeh Amjad Islam key likhey huwey aik drama ka dialogue hai keh "Pakistan ghareeb logon ka ameer mulk hai" ... and I go along with that statement...

[Masood]

Re: Muflis Keh Jis Ghareeb Ki Duniya Nahin Drust!

afsos ye keh ham , sab jante haiN lekin kuch kar nahii sakte.taqat hamare paas naheeN hay, wo to waderoN ki tijori meiN band hay.
ham to sirf kuch yuuN jee rahay haiN.

Najma ji halaat khud-bakhud to nahin badaltey na! Halaat badley jatey hain. Haath par haath dharey baithey rehney sey to Allah bhi maddad nahin kartey. Jahan halaat ooper sey na badlein jaein wahan par neechli satah par inquilaab lana parrta hai. Duniya ka koi bhi aisa mulk jo aaj apney paaoun par khara hai, woh kisi na kisi inquilaab ki badolat yahan tak pohnchaa hai. Zulm jab hadd sey barhta hai to khatam ho jata hai, zaroorat is baat ki hoti hai keh lohey ko garam kya jaey aur phir jab waqt munasib ho us par zarb lgaa di jaey. Lohey khud sey to garm nahin hota, diya khud sey nahin jalta - diya jalana parrta hai, jab aik diya jalta hai to saath doosrey ko roshni deta hai, doosra jalta hai to phir teesra.... aur phir yun qaafley sey qaafla bharta hai. Jab mazloom ki bardasht khatam ho jati hai to woh apni aazadi cheen leta hai - hamein bhi apni aazadi chheenena ho gi, yeh kaam shayid Angrez sey aazadi hasil karney sey ziyada mushkil hai. Magar UMEED aur hosla hona chaiye. Aawaz uthey to uska saath dena chahiye.

zanjeer ba-paa kar ke sayyad ne choRa hay
kesii aseerii hay, ye kesii hay aazaadii

Bohat khoob, jawab mein Allama Iqbal ka aik shair hazir hai:

Ghulami mein na kaam aati hain shamsheerein, na tadbeerein
jo ho zoq-e-yaqeen pedah to katt jati hain zanjeerein

Khush rahiye aur aap ka hissah lena bohat achha laga, aaindah bhi hissah leti rahiye... :)

[khan]

Re: Muflis Keh Jis Ghareeb Ki Duniya Nahin Drust!

AOA,


Meri naqis soch k motabik iss main kasoor hum sab ka hai kia hum nain kabi jannain ki koshish ki hai k ye sab kion hua hum apni khwaishat ko ahmiyat daite hainagar hum apni choti si khwaish pori na karain kisi aur ki kar dain to shaid ye sab na ho main ghalat b kah sakta hoon aap ka bohat bohat shukria.

Sohail Abbasi.