24 OCT.....News

[Tanha Hassan]

نسل پرست گرفن کی اسلام پر تنقید

لندن: نسل پرست جماعت برٹش نیشنل پارٹی کے سربراہ کی اسلام پر تنقید ۔ اسلام کو برطانوی معاشرے کی بنیادی اقدار کے منافی قرار دیدیا ۔ گرفن کو بی بی سی کے پروگرام قوسچین ٹائم میں بطور مہمان دعوت دی گئی تھی ۔ جس پر برطانیہ کی تمام بڑی جماعتوں ،مذہبی ، سیاسی ، سماجی حلقوں نے تنقید کی اور بی بی سی کے اقدام کو نسل پرستی کی حوصلہ افزائی قرار دیا۔ کچھ مخالفین نے بی بی سی کے دفتر کے باہر احتجاج بھی کیا ۔ اس دوران پولیس اور مظاہرین کے درمیان جھڑپیں بھی ہوئیں ۔ گرفن نے ایک سوال کے جواب میں کہا کہ ہر مذہب کے مثبت پہلوں ہوتے ہیں ۔ لیکن آزادانہ اظہار خیال ، جمہوریت ، عورتوں کے برابر کے حقوق کے حوالے سے اسلام برطانوی معاشرے کی بنیادی اقدار سے میل نہیں کھاتا ۔ انہوں نے کوکلیکس مکین کے رہنماء ڈیوڈ ڈیوک کو امن پسند انسان قرار دیا اور دعوٰی کیا کہ اگر ونسٹن چرچل ہوتے تو وہ ہماری حمایت کرتے ۔ انہوں نے ثقافتوں کے مجموعے کو برطانیہ پر تھوپنے کا الزام عائد کیا ۔ جس کی پروگرام میں موجود سیاہ اور ایشائی برطانیوں نے مخالفت کی ۔ ایک شخص نے کہا کہ میں اس ملک سے محبت کرتا ہوں ۔ آپ بتائے میں کہاں جائوں ؟ پروگرام میں شریک وزیر انصاف جیک سٹرا نے کہا کہ نہ تو نازی جرمن کا کوئی ضابطہ اخلاق تھا نہ بی ایف پی کا ہے ۔ پروگرام کے دوران بی بی سی کے دفاتر کے باہر مظاہرے بھی جاری رہے۔

[Tanha Hassan]

Re: 24 OCT.....News

مسلمان مسافروں کے سعودیہ میں داخلہ پر پابندی

حجاج کرام کی سہولت کے لئے سعودی حکومت کا اقدام

جدہ : سعودی حکومت نے 29 اکتوبر سے 28 نومبر تک دنیا بھر سے آنے والے مسلمان مسافروں پر پابندی عائد کر دی ہے ۔ اس عرصہ کے دوران جو ائیر لائنز مسلمان مسافر کو سعودی عرب لائیں گے ان پر بھاری جرمانہ عائد کیا جائیگا ۔ یہ فیصلہ عازمین حج کی سہولت کے لیے کیا گیا ہے۔ سعودی حکومت نے دنیا بھر کی ائیر لائینز کو باقاعدہ طور پر اپنے اس فیصلہ سے آگاہ کر دیا ہے

[Tanha Hassan]

Re: 24 OCT.....News

امریکی دفاعی بل منظور، پاکستان پر مزید نئی شرائط عائد

امریکی دفاعی بل کی منظوری کے ساتھ ہی پاکستان پر دفاعی امداد، اسلحہ کی فراہمی اور سزاوٴں سے متعلق نئی شرائط عائد کر دی گئیں۔ دہشت گردی کے خلاف جنگ کیلئے مختص رقم ملنے کیلئے پاکستان کو مزید سخت پابندیوں کا سامنا کرنا ہوگا۔ بل میں پاکستان کو پابند کیا گیا ہے کہ خطے میں طاقت کا توازن متاثر نہ ہونے دے۔ پنٹاگون پاکستان کو ملنے والے اسلحے کے استعمال اور امریکا کی اجازت کے بغیر منتقلی پر نظر رکھے گا ۔ امریکی وزارت خارجہ اور دفاع اس بات کی رپورٹ پیش کریں گیں کہ پاکستان کو ملنے والی امداد امریکی قومی سلامتی سے ہم آہنگ اور خطے میں طاقت کے توازن پر تو اثر انداز نہیں ہو رہی۔ دفاعی بل کے مطابق پاکستان کو امداد ملنے سے پہلے پینٹاگون کو ضمانت دینی ہو گی کہ پاکستان القاعدہ، طالبان اور دیگر شرپسندوں کے خلاف موثر جنگ لڑرہا ہے۔ بل کے مطابق پاکستان کے استحکام اور طویل المعیاد سیکیورٹی اقدامات کا جائزہ لینے کیلئے ہر چھ ماہ بعد امریکی ماہرین کی ٹیم پاکستان آئے گی۔ اسکے علاوہ نسلی، لسانی، مذہبی، جنسی اور ذہنی و جسمانی معذوری کی بنیاد پر تفریق کرنے پر بھی پابندی لگائی گئی ہے۔ چھ سو اسی ارب ڈالر کے دفاعی بجٹ کو حتمی منظوری کیلئے صدر براک اوباما کے پاس بھیج دیا گیا ہے۔

[Tanha Hassan]

Re: 24 OCT.....News

پاکستان کے مختلف علاقوں میں زلزلے کے جھٹکے

اسلام آباد سمیت صوبہ سرحد، پنجاب اور ملک کے مختلف حصوں میں زلزلے کے شدید جھٹکے ،لوگوں نے گھروں سے باہر نکل کر کلمہ طیبہ کا ورد شروع کر دیا۔جمعرات اور جمعہ کی درمیانی شب وفاقی دارالحکومت سمیت فیصل آباد، لاہور، ملتان، مانسہرہ، پشاور، مالاکنڈ، مردان ،کوہاٹ، ایبٹ آباد، دیر، خیبر ایجنسی ،بونیر، مظفر آباد اور ملک کے بیشتر شہروں میں زلزلے کے شدید جھٹکے محسوس کئے گئے ہیں۔ ریکٹر اسکیل پر زلزلے کی شدت چھ اعشاریہ چارریکارڈ کی گئی۔زلزلے کے جھٹکوں کے بعد عوام نے تشویش کی حالت میں گھروں سے باہر نکل کرکلمہ طیبہ کا ورد کر شروع کر دیا۔ ذرائع کا کہنا ہے کہ فوری طور پرجانی ومالی نقصان کی کوئی اطلاع موصول نہیں ہوئی۔

[Tanha Hassan]

Re: 24 OCT.....News

آرمی چیف کا محسود قبائل کے نام کھلا خط

چیف آف آرمی سٹاف جنرل اشفاق پرویز کیانی نے کہا ہے کہ جنوبی وزیرستان میں آپریشن کا مقصد محسود قبائل کو نشانہ بنانا نہیں بلکہ دہشت گرد عناصر کے چنگل سے قبائل کوآزاد کروانا ہے ،محسود قبائل محب وطن اور پاکستان کے وفاد ار ہیں ۔ یہ بات آرمی چیف نے پیر کو محسود قبائل کے نام ایک کھلے خط میں کہی ۔ میڈیا کو فراہم کئے گئے مطبوعہ خط میں آرمی چیف نے کہا کہ محسود قبائل نے ہمیشہ دفاع وطن کے لئے بلا تنخواہ پاک فوج کا ساتھ دیاہے اور ہمارے جملہ قبائل بشمول محسود قبائل پاکستان کے وفاردار ہیں ۔ چیف آف آرمی سٹاف نے کہا کہ جنوبی وزیرستان میں آپریشن کا مقصد محب وطن محسود قبائل کو نشانہ بنانا نہیں بلکہ جنوبی وزیرستان میں آپریشن کا مقصد محسود قبائل کو ظالم ،دہشت گرد عناصر کے چنگل سے آزاد کروانا ہے جن کی وجہ سے علاقے کا امن وسکون تباہ ہوچکا ہے، اسی مقصد کے پیش نظر آپریشن کے اہداف بالترتیب ازبک دہشت گرد ،تمام غیر ملکی عناصر اور مقامی دہشت گرد یں ،انہوں نے کہا کہ فوج کا مقصد ہر قیمت پر محسود قبائل کو دوبارہ اپنے علاقے میں امن وسکون سے رہنے کا موقع فراہم کرنا ہے، انہوں نے امید ظاہر کی کہ اس آپریشن میں محسود قبائل پاک فوج کا بھرپور ساتھ دینگے اور باجماعت اٹھ کھڑے ہو کر ان ظالم عناصر کیخلاف حتمی کارروائی کرینگے ، تاکہ پاکستان کا سبز ہلالی پرچم ایک مرتبہ پھر مکمل آب وتاب کے ساتھ محب وطن محسود قبائل کی سرزمین پر لہرائے ۔ قبائل کے نام آرمی چیف کا یہ خط پشتو اور اردو میں تحریرکیا گیا ہے، جس پر چیف آف آرمی سٹاف جنرل اشفاق پرویز کیانی کی تصویر،قومی پرچم اور پاک فوج کا مونو گرام بھی ہے

[baykamal]

Re: 24 OCT.....News

bohat mehnat ki hay janab hassan aap nay tanha.....

[Tanha Hassan]

Re: 24 OCT.....News

چھ برسوں میں 22110 پاکستانی دہشتگردی کا شکار

واشنگٹن : امریکی اخبار کی رپورٹ کے مطابق پاکستان میں خود کش دھماکوں،دہشت گردی سے تباہی اور اموات کے گراف میں مسلسل اضافہ ہورہا ہے، امریکی
اخبار وال اسٹریٹ جرنل نے
South Asia Terrorism Portal
کے حوالے سے بتایا کہ پاکستان میں گزشتہ چھ برسوں میں دہشتگردی کے واقعات میں 22110 افراد جاں بحق ہوچکے ہیں جن میں 7004 شہری،2637 سیکورٹی اہلکار اور12487 دہشتگرداورعسکریت پسندشامل ہیں، 2003 کے دوران ان واقعات سے جاں بحق ہونیوالوں کی تعداد صرف 189 تھی جس میں 140 شہری، 24 سیکورٹی اہلکار اور 25 دہشتگرد شامل تھے، جب کہ اس سال 30 ستمبر 2009 تک 8375 ہلاکتیں ہوئیں، جس میں شہری 1658، سیکورٹی اہلکار757 اوردہشتگرد وعسکریت پسند 5960 ہلاک ہوئے۔ اس سال پاکستان میں پہلی جنوری سے9 اکتوبر تک 55 خود کش دھما کے کیئے گئے جبکہ 2002 میں 2، 2003 میں 2، 2004 میں سات، 2005 میں 4، 2006 میں 7، 2007 میں 56 اور2008 میں 59 خود کش دھماکے کئے گئے۔