29sep.....News

[Tanha Hassan]

یونان:مصنوعی دل نے نئی زندگی دیدی

ایتھنز: یونان میں قریب المرگ شخص کو مصنوعی دل اور اسٹیم سیل لگا کر نئی زندگی کی نوید دے دی گئی۔ یونانی شہری مانولوپولوس جو طویل عرصے سے دل کے عارضے میں مبتلا تھے۔ یونان کی ایفا یونیورسٹی اسپتال میں ڈاکٹروں کی ٹیم نے مانولوپولوس کے دل میں آپریشن کے بعد پمپ لگادیا۔ دل کو بعد از آپریشن تقویت دینے کے لئے مریض کے دل میں چھ ملین اسٹیم سیل داخل کردئے گئے ہیں۔ میڈیکل ٹیم کے سربراہ کامیاب آپریشن پر خوش اور مانولوپولوس کی مکمل صحت یابی کیلئے دعا گو ہیں۔ ڈاکٹرز نے امید ظاہر کی ہے کہ اس طریقہ علاج سے دنیا بھر میں دل کے عارضے میں مبتلا مریضوں کا علاج کیا جاسکے گا۔

[Tanha Hassan]

Re: 29sep.....News

بھارت، سوائن فلوسےہلاکتوں کی تعداد 3 سو

نئی دلی : بھارت میں سوائن فلو سے ہلاک ہونے والے افراد کی تعداد تین سوزائد ہوگئی جبکہ تقریباًدس ہزارافراد متاثرہیں۔ وزارت صحت کے بیان کے مطابق تین اگست سے اب تک سوائن فلو کے باعث تین سو سے زائد افراد ہلاک ہوچکے ہیں جبکہ نو ہزار آٹھ سو اکہتر افراد اسپتال میں زیر علاج ہیں۔ بیان میں بتایا گیا ہے کہ صوبے مہاراشٹر میں ایک سو اٹھارہ افراد اس موذی مرض کا نشانہ بنے۔

[Tanha Hassan]

Re: 29sep.....News

ایرانی میزائل تجربہ اشتعال انگیزہے، امریکا

واشنگٹن : امریکا نے ایران کی جانب سے شہاب تھری میزائل تجربے کو اشتعال انگیز قرار دیا ہے جبکہ روس نے بھی اس تجربے پر تشویش کا اظہار کیا ہے۔واشنگٹن میں وائٹ ہاؤس کے ترجمان رابرٹ گبس نے صحافیوں سے گفتگو میں کہا کہ ایران کی جانب سے میزائل تجربہ سوچے سمجھے منصوبے کا حصہ ہے۔انہوں نے میزائل تجربے کواشتعال انگیزی قرار دیا۔دوسری جانب ماسکو میں روسی وزیر خارجہ سرگئی لاروف نے بھی تہران کے میزائل تجربے پر تشویش کا اظہار کرتے ہوئے کہا کہ ایران کو صبر وتحمل سے کام لینا چاہیے تاہم ان کا کہنا تھا کہ میزائل تجربہ کسی بین الاقوامی معاہدے کی خلاف ورزی نہیں ہے۔ادھر ایران کے چیف آف اسٹاف جنرل حسن فیروز آبادی نے اسرائیل کی جانب سے کسی ممکنہ حملے کے امکان کو مستردکرتے ہوئے کہا ہے کہ تل ابیب صرف کاغذی شیر ہے جو کسی جارحیت کی ہمت نہیں کرسکتا۔

[Tanha Hassan]

Re: 29sep.....News

بچت کی خاطر افریقی شخص کی 4 خواتین سے بیک وقت شادیاں

بیگمات کا خرچہ "گرل فرینڈز" سے کم ہوتا ہے: ملٹن

جوہانسبرگ (جنوبی افریقہ)

جنوبی افریقہ میں ایک شخص نے دو روزہ شادی کی تقریب میں چار خواتین سے ایک ساتھ شادی کرکے نیا عالمی ریکارڈ قائم کیا ہے۔ بیک وقت چار شادیاں کرنے والے شخص کا کہنا ہے کہ شادی پر اٹھنے والے اخراجات کیوجہ سے میں نے ایسا کرنے میں عافیت جانی۔
لولو قبائل سے تعلق رکھنے والے چوبیس سالہ تاجر ملٹن میبل بائیس سے پتیسں سال کی عمر کی چار خواتین سے شادی کر رہے ہیں اور وہ کہتے ہیں کہ ان چاروں خواتین سےانہیں محبت ہے۔
چاروں دلہنوں کی شادی کی رسم ایک ساتھ ادا کی جائے گی اور جب ان سے پوچھا جائے گا کہ وہ ملٹن میبل کو شوہر کے طور پر قبول کرتی ہیں تو وہ ایک ساتھ "وی ڈو" یعنی "ہم کرتی ہیں" کہیں گی۔
کوازولو نتال قبیلے میں ایک سے زیادہ شادیاں عام ہیں لیکن صرف پہلی بیوی ہی کو قانونی طور پر تسلیم کیا جاتا ہے۔ جنوبی افریقہ کے صدر جیکب زوما کی بھی جو کہ خود بھی زولو قبیل سے تعلق رکھتے ہیں، تین بیویاں ہیں۔
لیکن ایک ساتھ ایک سے زیادہ شادیاں کرنا یقیناً غیر معمولی بات ہے۔ ملٹن میبل سے شادی کرنے والی چاروں خواتین ایک دوسرے کو جانتی ہیں۔ ملٹن میبل ان چار شادیوں کی قیمت تیتنس بھینسوں کی صورت میں ادا کر رہے ہیں۔
ان سے شادی کرنے والی ایک خاتون مس سیلی نے ایک مقامی اخبار کو بتایا کہ انہیں اس شادی میں کوئی غیر معمولی بات نہیں لگتی۔ انہوں نے کہا کہ "ہم ایک ساتھ اس لیے شادی کر رہی ہیں کہ ہم چاروں ان سے محبت کرتی ہیں۔"
انہوں نے کہا کہ اس سے کوئی فرق نہیں پڑتا کہ انہیں اس شادی کا قانونی سرٹیفیکیٹ ملے گا یا نہیں اصل بات یہ ہے "ہم ان سے محبت کرتی ہیں۔" یہ شادی مقامی رسومات کے تحت اتوار کو ہوئی۔ ملٹن میبل نے کہا کہ ایک سے زیادہ شادیاں کرنا ان کے رسم و رواج کا حصہ ہے۔