zalzala aur mutasreen

[khan]

Aoa,

[WOH LARKI]

Re: zalzala aur mutasreen

Khan Abbasi Bhai aap ki baat bilkul drust hey hum jo news mein suntay ya dekhtay hein wo haqeeqat ko zahir kernay ka aik ishara bhi nhi hota, jo log iss waqt iss museebat mein mubtla hein zindagi ki aziyat ka andaza wohi laga sktay hein. hum sunain ya TV per dekhein bhi to thori der k liye dil zaroor preshan ho jata hey, aankhein aansoun se bhar aati hein, khud ko be bass aur lachaar mehsoos kertay hein k hum unn ki maded kernay se qasir hein, jo kuch muyassar aata hey wo donate bhi kertay hein..lekin kuch ghanton k bahd hum phir apni zindagi ki uljhanon mein kho jatay hein,humein apnay bachon aur ghar aur akhraajat ki fiker staanay lagti hey k yeh kahan se poora ho ga, woh kahan se poora ho ga...........................
Aur jahan tak baat hey imdaadi samaan ki to Khan bhai Bartaania se jitni imdaad bheji gai hey agar wo aik aik penny mustahqeen tak pohnchayi gai hoti to shayed halaat iss qadar khrab nah hotay, Sirf Bartaania hi nhi duniya k taqreeban har mulk ne apni apni istedaad k mutabiq imdaad di hey, ager wo mutasreen tak nhi pohnch rahi hey to aisi hakoomat ko sharm se kursi chorr deni chahiye.......yeh log samjhtay kiyun nhi hein k mujboor logon ka maal kha ker yeh apnay pait mein aag bhar rahay hein, apnay bachon ki ragon mein haraam utaar rahay hein, aap dekhiye ga Khan bhai yehi log duniya mein bhi nah sirf zaleel o khwaar hon gay balkeh aakhrit mein bhi aik aik paai k liye jwaabdeh hon gay.................yehan se Helping Hands, Islamic relief, Mirkhalil ur rehman charity orgnisation aur doosri boht see tanzeemein imdaadi samaan le ker gai hein aur suneney mein aa raha hey k in logon k liye wahan ki intemaiya mushkilaat peda ker rahi hey maqsad inn ko iss qadar tang kerna hey k wo apnay hathon se samaan taqseem kernay k bajaye waheen chorr ker wapas aa jayein aur woh lutairay apnay gharon ko bhar lain. yeh kaisa insaaf hey? yeh kaisi insani soch hey? kia insaani rawaiyay iss qader drusht bhi ho sktay hein? khudgharzi ki kitni inteha hey k aankhon k samnay auratein aur bachay bilak rahay hein aur yeh log aisay treeqay sochtay hein k kisi trah se thorra sa maal humaray hath bhi lag jaye!
shayed insaan ki insaaniyat marr gai hey....aur iss per matam karnay wala bhi koi nhi hey!

[khan]

Re: zalzala aur mutasreen

AOA,

shayed insaan ki insaaniyat marr gai hey....aur iss per matam karnay wala bhi koi nhi hey! bohat achi baat ki hai aap nain main aap ki baat se itafaaq karta hoon sis yahan har aik maal banane k chakar main laga hai bohat khush rahain.


Sohail Abbasi.

[Z.]

Re: zalzala aur mutasreen

donations to itni gai hein wahan, ab aagey Allah janta hai,

Islamic Reliefe ney itna ziada kaam kiya, ye pehla reliefe org. hai jinhon ney Muzzafrabad mey reliefe phonchaya...

in detail in ka sara kaam mey inshAllah aap sab ko bataon gi

[khan]

Re: zalzala aur mutasreen

AOA,

iss main koi shak nain k imdaad bohat ayi hai lakin uss ka istamaal theek nain kiya gaiya kisi nazam k hathe charri to kisi mpa mna k jis ka jahan hath laga uss nain khaya aap ka bohat shukria jo aap nain waqt nikala.


Sohail Abbasi.