Phir Wohi Purana Masla....

[Masood]

Assalamo allaikum

Yeh masla har saal uth'ta hai, har saal behas hoti hai magar har saal kuchh result nahin nikalta.

Ham musalmaan is qadar taqseem ho chukey hain keh ham namaz roza bhi aik muqrarah waqt per ada nahin kar saktey. Yeh aap ney bhi dekha ho ga keh masajid mein aazanein kuchh kuchh waqt key baad hoti hain.

Ramzan ka muqaddas maheena saal mein aik baar aata hai. Magar hamarey ILM rakhney walon ney is mein bhi taqseem daal di hai.

Sari duniya mein musalmaano key liye na Ramzan key shuru honey ka koi waqt muqrar hai aur na hi Eid ka tehwaar manena ka. Main ney yahan tak dekha hai keh aik hi khandaan key kuchh log aik masjid key saath roza rakhtey hain, aur baqi doosri key saath, yun aik hi khandaan mein do do eidein hoti nazar aati hain.

Yeh aik bohat tashweesh'nak lamha hai. Aik muddat sey hamarey ulma ney is masley ko suljhaney key bjaey uljhay hai. Sad'hef keh ham aaj tak aik platform per jama nahin ho sakey.

Aap yeh btaiye keh aap key nazdeek is masley ka hal kaisey nikalna chahiye keh sari duniya key musalmaan aik hi tareekh per roza rakhein, aur aik hi tareekh per Eid karein?

[Aania]

Re: Phir Wohi Purana Masla....

merey khayal main to,,,,,
atleast apni community ko aik hona chahye...
ye nahen ke koi arabics ke peechey bhagey koi PK ke time ko
Dunya GOL GOL hai naa...
to weather timings differents ho gaye naaa
its simple...
white n BLack american always make fun of muslims ke
in ki Eid aur rozay jo ke according to islam to aik hain...
lekin muslim ikathey celeberate nahen kertey...
how bad naa
sochney ki baat hai
ham aapas main to aik ho ke fiasla le saktey hein naa
its interesting....
according to weather yehan North Amrica
main moon nazar nahen aayaa
even moon is of 15 hours...
lekin according to our Holly Book... It should be viewed clearly like PK main sab aik sath chat pe chand dekhney jatey hein
aur dua mangtey hain
I think ham log jo door deson main aa gaye hain....hami
is mushkil se do char hain
kuch masjidon ke mutabiq aaj roza huaa
kuch ke mutabiq nahen...
neighborhood prefer kerna chahye...
lekin.....its so hard....
I think Eiden atleast PK ja ke karni chahye
dil mut-ma-in to ho na atleast....


welll only thing we need togetherness by hearts....
main to khud confuse hoon ...

[Yaaram]

Re: Phir Wohi Purana Masla....

Masood bahi abhi kal hi ki baat hay ke Saudi Arab se Fone aaya ke wahan to roza hay .aur hum sajh rahe thay ke kal ko humare han bhi roza ho jaye ga keunke saudi Arab main aik din pehele Eid aur Roza hota hay ...lekan yahan inhoN ne Elan kya ke roza nahi hay.....inhoN ne aik roza kha lya hay
ab kya kya ja sakta hay in muslims ka ........
Makkah Mukarma se hi Elan hona chahye jis ke mutabiq tamam muslims ko roza ya Eid karni chahye .....

[Muhammad Khalil]

Re: Phir Wohi Purana Masla....

only voted yet
jo hay theek hay

[Spy009]

Re: Phir Wohi Purana Masla....

Yeh masla abhi aur badhe ga, wajah log bhag daud mein busy rahtey hain, puraney zamaney mein log chand dekh kar roza rakhtey ya Eid manatey thay, uss zamaney mein air pollution nahin thi, abaadi kam tha, aasman clear hota tha bus chand dekha aur agley din celebration. But these time air pollution hai, bhag daud mein itney mashghool hain ke crescent moon saal mein ek baar dekhtey hain jo ke impossible hai,

Dusri ham musalmano mein itney tafarqa hai ke koi ek dusrey ki baat man.ney ko tayyar nahin, Sunni, wahabi, barelwi aur pata nahin kya kya. Har saal Eid do din manaya jata hai, ek hi mohalley mein do din Eid.



Hal: Aaj ke advance technology ke zamaney mein ham aaj bhi Crescent moon ko naked eye se dekhtey hain, wo bhi saal mein ek baar aasman ki taraf sar uthatey hain, doorbin (telescope) kyon nahin use kartey, ek normal telescope 5 dollar mein milta hai, India Pakistan mein to 200 Rs. mein mil jana chahiye, Musalmano ka tayohar Chand per munhaser hai, to phir chand dekhney ke liye har Jama Masjid mein telescope honi chahiye.

[Spy009]

Re: Phir Wohi Purana Masla....

[khan]

Re: Phir Wohi Purana Masla....

AOA,



Bohat achi baat ki aap nain hazoor baat ye hai k chand daikh k roza rakhna chaye lakin chand daikhe ga kon yahan k wo ande jin ko iss kam pe mahmoor kia gaiya hai jo aone hukamraanoon k kahne pe ehlaan karte hain k kahain eid juma ko na a jaye yahan masla wo hi hai k umate muslman ko aik hona parre ga aj ahle araab aik nain hain sare musalmaan aik kahse hoon ge roza aik din pahle rakhain ya baad main mere rahye hai k roze 30 rakhne chayain aap sab ka bohat shukria.

Sohail Abbasi.

[Masood]

Re: Phir Wohi Purana Masla....

I think Eiden atleast PK ja ke karni chahye
dil mut-ma-in to ho na atleast....

Aania do u know keh Pakistan mein kabhi aik Eid nahin hui! Sarhad khaas kar hamesha sey pehley Eid kartey hain. Yeh masla Pakistan mein bhi hai...

ke kal ko humare han bhi roza ho jaye ga

Main soch raha hoon keh ab to Pakistan 2 roz peechey hai Saudia key, ab Pakistan mein kitney rozey honge? 27-28???? agar wahan eid ka chand itfaaqan nazar aagey to??

jo hay theek hay

doorbin (telescope) kyon nahin use kartey,

Spy yeh bhi masley ka hal nahin merey khiyaal sey. Main samajhta hoon keh zaroorat is baat ki hai keh qom ko yak'jaa kiya jaey, doorbin haath mein pakar leney sey baat wohi per aa jaey gi keh kis ney kya dekha hai - door sey nahin to nazdeek sey hi sahi... Merey nazdeek yeh masla Ulmaa aur Hukmuraan tabqey ka hai. Maloom nahin kyun merey nazdeek yeh hukm jari kar dena koi badi baat nahin keh HAKOOMAT jo sarkari elan karti hai, wohi saheeh hai. Masla siraf yeh hai keh kam-ilam rakhney waley ulmaa fasaad kharra kar detey hain, aur hakoomatein aur parhey likhey ulmaa khamosh ho jatey hain keh is sey firqaati jangein shuru ho jaein gi, aur ham musalmaan andha'dhoond naam nehaad maulviyon key peechey chal partey hain. Warna aisa hukm jari karna aik dastkhat ki baat hai.

mere rahye hai k roze 30 rakhne chayain

hmmmm phir to Islami Calender mein mazeed ghalti pedah ho jaey gi bhai :p