Thoughts: Aik wahid Hal

[Z.]

Agley mah pakistan ki 60th salgirah hai. 60 saal ki umar bohot hoti hai aur iss key baad to aik retire life ka aghaaz ho jata hai leykin afsoss meyra Pakistan 60 saloN mey bhi apney Pau'oN pey khara nahi ho saka hai aur na jaaney iss mulk ki aur kitney saaloN ki musafat 60 saal (retiring age) key barabar ho gi. Poori dunya ki nazar iss waqt iss khitey per hai jo apney aap ko Islam ka Qila kehney per fakhar mehsoos kerta raha hai. Sab log apni apni predictions dey rahey hein koi afssos kerta hai to koi iss ki beychargi pey hansta hai. Wa'na, waziristan, chief justice aur ab lal masjid key sanihey key baad to ye Mulk buri tarhaN sey hill giya hai. itna unstable ho gaya hai key agar ab bhi iss saarey maasloN key hal pey kaam na kiya giya to na jaaney kitna khoon mazeed bahey ga. Agar gov. apni mauqaf pey daTi rahey aur opposition apney mauqaf pey awaam apney mauqaf pey so called Islamists apney mauqaf pey to phir sirf khoon kharaba ho ga, yahi blasts hoN gey. sirf ghareeb log maarey jayeiN gey aur khandan dar khandan tabah ho jatey jayeiN gey aur bas. Mujhey in sab logoN ki misaal iss tarhaN nazar aati hai key ye sab grps aik kamrey mey hein aur sab chilla rahey hein, koi kisi ki nahi sun raha hai to aeysey mey mujhey dar hai key kaheeN iss kamrey ki deewareiN in ki cheekhoN ki taab na latey huye gir hi na jayeiN.

[Capt.Abdur Rehman]

Re: Thoughts: Aik wahid Hal

bilkul ....!
aour bayshak ...
jab country ko sambhalnay ki baat aati hai to apna sub kuch bhula dayna perta hai...!
sirf aour sirf mulk ka mufaad samnay rakh ker chala jaata hai...!
Allah keray kay hum iss demaak chaat say bahar nikal aaien...aour taraqqi ki rah per gaamzan ho jaeen...!ameen