میں جب بھی اسے کہتا تھا، کہ مجھے تم سے محبت ہے، وہ شرما کر نگاہیں جھکا لیا کرتی تھی، اور میرے سینے میں اپنا چہرہ چھپا لیا کر تی تھی، اور میں اسے اپنی باہوں میں بھر لیا کرتا تھا، کیونکہ مجھے اس سے محبت تھی، وہ میری زندگی کا حیسن پہلو تھی، وہ میرے صبر کا میٹھا پھل تھی، ہان مجھے اس سے محبت تھی، وہ میرا خیال رکھتی تھی، میں جب دفتر سے گھر آتا تھا، تو اسکی مسکراتی آنکھیں، نکھرا ہوا چہرہ ، شانوں پر لہراتے کھلے بال میرا استقبال کرتے تھے، ہان مجھے اس سے محبت تھی، وہ میرا بہت خیال رکھتی تھی، وہ میرے جذبون کی امیں تھی۔
پھر ایک دن اس نے مجھے اک خوشخبری سنائی، کہ میرے گھر میں ایک پھول کھلنے والا ہے۔ اور وہ دن بھی آگیا، اک ننھا مہمان آگیا، ، ہم دونون کی محبت کا زاویہ بدل گیا۔
اب میں کہتا کہ مجھے تم سے محبت ہے، تو وہ شرما کر سینے میں اپنا چہرہ نہیں چھپاتی تھی، مسکرا کے اپنی گود میں بیٹھے ننھے کو سینے سے چمٹا لیتی تھی۔ ہان مجھے اب بھی اس سے محبت تھی، اب مین دفتر سے واپس آتا تو دروازے پر میرا ننھا ہاتھ میں بیٹ او ر بال لیئے کھڑا ہوتا تھا۔ اور مجھےدیکھتے ہی کہتا تھا۔ بابا مجھ سے پیار کرتے ہو نا۔ مین کہتا ہان میری جان مین تم سے بہت پیار کرتا ہوں۔ اور نطر اٹھا کر دروازے کی طرف دیکھتا تو وہان کوئی نہین ہوتا تھا۔ ننھا میرا ہاتھ ہلا کر متوجہ کرتا ہے ، بابا تو پھر بالنگ کراؤ، اور مین مسکر ا کر بال اسکے ہاتھ سے پکڑ لیتا ، اور اپنا بیگ سیڑھیون پر رکھ کر اسکے ساتھ کھلنے لگتا ہون۔
ہان مجھے تم سے محبت ہے۔ آج بھی ہے،
آج جب میں ہمارا ننھا باہر چلا گیا ہے۔ آج جب تمھارے سیاہ زلفون کی جگہ سفید جوڑے نے لے کی ہے۔ آج جب تمہاری چمکتی حیسن آنکھون کی روشنی ماند پر گئی ہے، اور چشمہ للگ گیا ہے، ، آج جب میں خزان رسیدہ درخت کی طرح مرجھا گیا ہوں۔ آج جب تم اپنے لرزتے ہاتھوں اور جھکی ہوئی کمر کے ساتھ جاکر میرے لئے چائے لیکر آتی ہو۔ اور میں مسکرا کر دیکھتا ہون، تو سینے سے گرم ساننس نہیں ، کھانسی کی کھنک آتی ہے، تو میں کہتا ہون مجھے تم سے محبت ہے۔ آج جب انتا بڑا گھر مین تم اور میں اکیلے رہ گئے ہیں، اور جب رات کو تمہاری پنڈلیون میں درد ہوتا ہے، اور تم بے چین ہوجاتی ہو، اور میں آکر تمھارے پاس بیٹھ جاتا ہوں اور اپنے ہاتھوں سے تہھاری پنڈلیان دباتا ، اور تم کو آرام ملتا ہے۔ اور تم سو جاتی ہو، تو میں جھک کر تمہارے چہرے سے جاندی جیسی زلفیں ہٹا کر پرسکون چہرے کو دیکھتا ہوں، اور اپنے میری آنکیھں دھندلا جاتی ہیں، اور مین اپنے سوکھے ہونٹ تمہارے ماتھے پر رکھ کر بوسہ لیتا ہوں، اسوقت بھی ہیی کہتا ہون، میں تم سے محبت کرتا ہون۔ بے حد مھبت کرتا ہون۔
اور پھر میں واپس اپنے پلنگ پر آکر لیٹ جاتا ہون۔ ۔اور سوچتا ہوں۔ کیا یہی محبت ہے، اور اگر یہی محبت ہے ، تو پھر الفاظ کی محتاج کیون ہے۔ ؐ محبے اور اسکےجذبے الفاظون کے محتاج تو نہیں۔ میرا خیال ہے یہی ہے محبت۔