زندہ رہنڑ دے خوف تو مردے ہیں کیا کروں

[.]

زندہ رہنڑ دے خوف تو مردے ہیں کیا کروں
مولا تیڈے جہان توں ڈردے ھیں کیا کروں

ممکن ہے توں ملیں نہ سنجانڑیں یا نہ ملیں
وت وی تیڈی گلی توں گذردے ہیں کیا کروں

ڈیکھوں جیکر ہجر دے جہاڑے نہ گنڑ سگوں
سوچوں تاں تیکوں روز ٹکردے ہیں کیا کروں

چپ دا چناں وی تار چدھاروں نظردا پۓ
ضدی ہیں کچے ظرف تےتردے ھیں کیا کروں

خادم ہیں آپ اپنڑی عدالت دے روبرو
اپنڑیاں خطائیں آپ مکردے ہیں کیا کروں

کلام:
سئیں مصطفے خادم