راستوں میں رھے یا گھر میں رھے

[.]

راستوں میں رھے یا گھر میں رھے
عمر بھر وحشتِ ھنر میں رھے

کاسنی رنگ کی اداسی بھی
اب مِرے گھر کے بام و در میں رھے

وردِ حرفِ دعا بھی لب پر ھو
اور دیوانگی بھی سر میں رھے

نام بھی اُسکا اب تو یاد نہیں
جس کی تصویر چشمِ تر میں رھے

ھم بھی تو مثلِ حرفِ تازہ تھے
ھاں مگر دستِ بے ھنر میں رھے

بیعتِ مکتبِ وفا کر کے
عمر بھر عشق کے سفر میں رھے

وردِ حرفِ دعا بھی لب پر ھو
اور دیوانگی بھی سر میں رھے

تیری خوشبو سے معتبر ٹھہر ے
روشنی اب تِر ے نگر میں رھے

نوشی گیلانی