کون پہنچا وہاں جہاں ہیں آپ

[.]

ںعت ِ رسولِ کریم صلی اللہ علی وسلم


کون پہنچا وہاں جہاں ہیں آپ
کہکشائوں کی کہکشاں ہیں آپ
آپ محبوب کبریا لا ریب
باعث ِخلقِ ہر جہاں ہیں آپ
جس جہاں میں ہے انبیا کا قیام
بے گماں اس کا آسماں ہیں آپ
آپ کے دَم سے کُل بہاریں ہیں
باغِ جنت کے باغباں ہیں آپ
چشمِ آئینۂ الست کی ضو
عقلِ اولیٰ کے ترجماں ہیں آپ
دشتِ وحشت ہے اور زبوں حالی
واقفِ حالِ عاشقاں ہیں آپ
طالبِ رحمتِ خدا ہم سب
نطق ِ فریادِ بندگاں ہیں آپ
ڈاکٹر سعادت سعید