ham jo ab admi hain , pehlay kabhi

[Pegham]

ھم جو اب آدمی ھیں , پہلے کبھی
جام ھوں گے , چھلک گئے ھوں گے

شب جو ھم سے ھُوا , معاف کرو
پی نہیں تھی , بہک گئے ھوں گے

وہ بھی اب ھم سے , تھک گیا ھو گا
ھم بھی اب اس سے , تھک گئے ھوں گے

کتنے ھی لوگ حرص شہرت میں
دار پر خود لٹک گئے ھوں گے

شکر ھے اس نگاہ کم کا میاں
پہلے ھی ھم کھٹک گئے ھوں گے

ھم تو اپنی تلاش میں اکثر
از سما تا سمک گئے ھوں گے

اس کا لشکر جہاں تہاں یعنی
ھم بھی بس بے کمک گئے ھوں گے

جونؔ ، اللہ اور یہ عالم
بیچ میں ھم اٹک گئے ھوں گے

"حضرتِ جون ایلیا"