Tweet
طوفان سامنے ہے کنارے کدھر گئے
کشتی میں ہم سفر تھے ہمارے کدھر گئے
آنکھوں میں ظلمتوں کو اتارا تھا کس لئے
اب سے پوچھتے ہیں ستارے کدھر گئے
دیکھا پلٹ کے الٹے بگولے تھے چار سو
سوچا جو لوگ ساتھ سارے کدھر گئے
مٹی امین ہے تو بتائے ہمیں کبھی
لاکھوں گہر ہیں اس میں اتارے کدھر گئے
شب بھر سوا ل دل میں کھٹکتا رہا مرے
نیندیں گنوا کے خواب جو ہارے کدھر گئے
ناؤ تو پانیوں کی تہوں میں اتر گئی
پتوار ‘ بادبان کے سہارے کدھر گئے
دل کی زمیں چٹخنے کو اب آگئی بتول
دریاؤں لے وہ نرم سے دھارے کدھر گئے
فاخرہ بتوُل