"ھُوا ہے آتشیں مزاج"

[.]

"ھُوا ہے آتشیں مزاج"

ھُوا ہے آتشیں مزاج
بدل رھے ھیں سب رواج
بھٹک رھی ھے، روشنی
ھُوا ہے ظلمتوں کا راج
ھر ایک سانس قرض ھے
تمام زندگی ھے باج
وہ جس کا مُنتظر تھا "کل"
اُسی کا مُنتظر ھے "آج"
نشے میں گم ھیں تخت و تاج
ھَوا ھے آتشیں مزاج

وفا کا خوُں ھے ھر طرف
کِسی جبیں پہ بَل نہیں
طرح طرح کے تجزئیے
مگر کوئی عمل نہیں
سوال ھی سوال ھیں
کِسی کے پاس حل نہیں
بکھر گئے ھیں پُھول سب
کِسی شجر پہ پَھل نہیں
نہ شرم ھے کوئی نہ لاج
ھَوا ھے آتشیں مزاج

جو پُل تھی سب کے بیچ میں
وہ رسم و راہ کھو گئی
سروں سے چھت سرک گئی
ھر اِک پناہ کھو گئی
تِرا جمال گم ھُوا
مِری نگاہ کھو گئی
وہ سانجھ کی جو ڈور تھی
وہ ھم سے آہ، کھو گئی
سُلگ رہا ہے سب سماج
ھَوا ہے آتشیں مزاج