وہ چاند کہ روشن تھا سینوں میں نگاھوں میں

[.]

وہ چاند کہ روشن تھا سینوں میں نگاھوں میں
لگتا ھے اداسی کا اک بڑھتا ھوا ہالہ
پوشاکِ تمنا کو
آزادی کے خلعت کو
افسوس کہ یاروں نے
الجھے ھوئے دھاگوں کا اک ڈھیر بنا ڈالا
وہ شور ھے لمحوں کا، وہ گھور اندھیرا ھے
تصویر نہیں بنتی، آواز نہیں آتی
کچھ زور نہیں چلتا، کچھ پیش نہیں جاتی
اظہار کو ڈستی ھے ہر روز نئی اُلجھن
احساس پہ لگتا ھے ہر شام نیا تالہ
ھے کوئی دلِ بینا، ھے کوئی نظر والا


امجد اسلام امجد