Anhi rasmon se rawajoon se baghawat kit hi.

[intelligent086]

انہی رسموں سے رواجوں سے بغاوت کی تھی
آپ نے بھی تو جوانی میں محبت کی تھی

کوچہ گردی کی روش مجھ سے بھی کب چھوٹے گی ؟
آپ کو بھی تو بزرگوں نے نصیحت کی تھی

میں بھی کانوں کو لپیٹے ہوئے چپ بیٹھا ہوں
آپ کی بھی تو یہی طرز سماعت کی تھی

ہاں،دریاں کے درباں سے مری یاری ہے
آپ نے بھی تو اسی ڈھب کی سیاست کی تھی

بولتے بولتے رو پڑتا ہوں میں جس کے لیے
آپ نے بھی اسی جذبے کی وکالت کی تھی

میں ہوں شعلہ تو شرربار کبھی آپ بھی تھے
آپ کی بھی تو یہی عمر قیامت کی تھی
٭٭٭