Tweet
غزل
رات کے ساتھ ہی رخصت ہوا مہتاب اپنا
اب کسے ڈھونڈتا ہے دیدئہ بے خواب اپنا
ہم وہ دریا ، کہ تجھے پار لگانے کے لئے
توڑ بیٹھے ہیں بھپرتا ہوا گرداب اپنا
تہ بہ تہ تیرگیوں سے جو نمٹنا چاہا
جل گیا آگ میں اپنی، دل شبِ تاب اپنا
ہائے یہ حُسنِ نظر، وائے یہ رعنائیِ فن
ہم تو بھوکے ہیں، مگر کھیت ہے شاداب اپنا
عمر بھر ہم نے بہایا اگر آنکھوں سے لہو
مطمئن ہیں کہ وطن تو ہوا سیراب اپنا
ایک دنیا نے یہاں پیاس بجھائی ندیم
اِس سخاوت میں سمندر ہوا پایاب اپنا
(احمد ندیم قاسمی)
رات کے ساتھ ہی رخصت ہوا مہتاب اپنا
اب کسے ڈھونڈتا ہے دیدئہ بے خواب اپنا
ہم وہ دریا ، کہ تجھے پار لگانے کے لئے
توڑ بیٹھے ہیں بھپرتا ہوا گرداب اپنا
تہ بہ تہ تیرگیوں سے جو نمٹنا چاہا
جل گیا آگ میں اپنی، دل شبِ تاب اپنا
ہائے یہ حُسنِ نظر، وائے یہ رعنائیِ فن
ہم تو بھوکے ہیں، مگر کھیت ہے شاداب اپنا
عمر بھر ہم نے بہایا اگر آنکھوں سے لہو
مطمئن ہیں کہ وطن تو ہوا سیراب اپنا
ایک دنیا نے یہاں پیاس بجھائی ندیم
اِس سخاوت میں سمندر ہوا پایاب اپنا
(احمد ندیم قاسمی)