Tweet
غزل
حُسنِ اضداد سے بہلتا ہوں
برف کے منطقوں میں جلتا ہوں
میرےے پہرے میں تیرگی کا خلا
چاند ہوں، رات کو نکلتا ہوں
کر لیا میں نے وقت کو پابند
وقت کے ساتھ ساتھ چلتا ہوں
کب مرا ذوقِ جستجو بدلا
میں فقط راستہ بدلتا ہوں
کتنے محکم ہیں درد کے رشتے
شمع جلتی ہے، میں پگھلتا ہوں
قبر میں اپنا جسم بو کے ندیم
تا ابد پھولتا ہوں، پھلتا ہوں
(احمد ندیم قاسمی)
حُسنِ اضداد سے بہلتا ہوں
برف کے منطقوں میں جلتا ہوں
میرےے پہرے میں تیرگی کا خلا
چاند ہوں، رات کو نکلتا ہوں
کر لیا میں نے وقت کو پابند
وقت کے ساتھ ساتھ چلتا ہوں
کب مرا ذوقِ جستجو بدلا
میں فقط راستہ بدلتا ہوں
کتنے محکم ہیں درد کے رشتے
شمع جلتی ہے، میں پگھلتا ہوں
قبر میں اپنا جسم بو کے ندیم
تا ابد پھولتا ہوں، پھلتا ہوں
(احمد ندیم قاسمی)