kyuN sune gaa tuu bhalaa abb mujh gaNwaar kee

[Ismail Ajaz]

tamaam aiHbaab kee Khidmat meN kyuN Allah se shikwah jaa'ez samjhtaa jaa'ey aur gumrah lowgoN ko Hawaalah ke taur par pesh kiyaa jaataa hai, kis ne iss baat kee ijaazat iss mu'aashre ko de rakkhee hai aur kyuN ?

tamaam SaaHib ilm o adab maahireen e shEr o suKhan se ek sawaal

kyuN sune gaa tuu bhalaa abb mujh gaNwaar kee
tuu kahe hazaar kee aur maiN bekaar kee
tujh meN mujh meN farq hai kuchh istaraH kaa yaar
tuu kare sunaar kee tow maiN lohaar kee
shikwe gile meN rab se tuu ratbul lisaan hai
yeh jaan le keh tuu ne zindagee Khwaar kee
kyuN aajizee naheeN hai tujh meN ,aur Khushoo KhuZoo
kee shakl e mominaaN bhee tuu ne iKhtiyaar kee
khul jaa'eN tujh peh qudratoN ke beshumaar baab
lafz e "kamee" tauheen hai parwardigaar kee
kaamil yaqeeN kee shart hai laazim tuu sunn miyaaN
jis ne lagaa dee ayeRh tow KhaNdaq hai paar kee
kaafir butoN se apnee muraadoN ko paa gayaa
momin Khudaa se joRe hai be aitbaar kee
shikwah gilah shayetaan kaa shewah hai yaad rakh
la'anat kaa tauq hai liye sazaa dhutkaar kee
apne yaqeeN ko puKhtagee kee nehj tak pohNchaa
yaa laa kisee walee se yeh daulat udhaar kee
dhokaa "Khayaal" zindagee se khaa rahaa hai tuu
maaNge KhizaaN se kis liye hai rut bahaar kee


taalib e nazar
Ismail Ajaz Khayaal