poochhe gaa Khudaa bande se hai teree raZaa kyaa ?

[Ismail Ajaz]

Allaamah Iqbal raHmatullah alaih ke ek shEr kee taZmeen meN arz e Khidmat hai

nikle gee naheeN faSl mire khet meN kab tak ?
ZarKhez hai miTTee mire iss khet meN abb tak

maiHnat kee zaroorat hai yeh baNjar tow naheeN hai
kya hum meN sha'oor aagahee o ilm naheeN hai ?

hal dhartee ke seene peh muHabbat kaa chalaa dow
aiHsaas kaa paanee Zaraa miTTee ko pilaa dow

karo amar bilma'aaroof wa nahee anil munkar
hai kaam tumhaaraa yehee dunyaa meN nikal kar

islaam meN hai izzat o nuSrat kaa smandar
islaam banaa degaa tumheN aisaa sikandar

yeh dunyaa bhee tasKheer tumhaare liye hogee
Allah kee qudrat bhee ishaare liye hogee

"IQBAL" kaa yeh shEr bhee khul jaa'ey gaa sab par
Allah yuN karam apnaa farmaa'ay gaa sab par

"Khayaal aisaa aCar hogaa muslim kee duaa kaa
poochhe gaa Khudaa bande se hai teree raZaa kyaa ?
Ismail Ajaz Khayaal