Duniyadaar aur Funkaar

[Brijinder]

Duniyadaar aur Funkaar


Duniyadaar Funkaar Say

Tu bhi kabhi muskuraya hota
Is jahaaN ka khuda jo apnaya hota

Bheer main phirta beshaql bun kar
Aur izzat ka makhota lagya hota

Jmaal-e-fun-e-zindagi say na-ashna rehta
Aur khyaal balNdioN pay na laya hota

Zauq-e-talab is jahaaN main jurm hai sadioN say
Is jurm pay tujhko na pyaar aayaa hota

Befiqr ki masti main phir tu bhi raqs karta
Riwayaut ko jo khuda tunay banaaya hota

---######-----

Funkaar Duniyadaar Say


Meri duniya main jo ik baar tu aayaa hota
To yeh reham toonay khud pay hi khaya hota

HoNth phail jaanay ko hi tu haNsi samjhay
Masrrat ko itna to na giraya hota

Miltay jo balaNdioN pay basay shffaaf zehan
Apnay aleel fulsphoN pay sharm khaya hota

Dekhta jo tu meri masarrat ki parvaazaiN
Larkhraatay kadamoN pay apnay na itna itraayaa hota

Samajh paataa tu jo vehshi say insaaN bannay ka safar
To zauq-e-talab ko duniya nay na juram banaya hota

Ik baar phir chal diya uqta kay woh daanaa
Main hi kaash teri mehfil main na aayaa hota

--------------------------------