ہم اس پر کچھ نہیں لکھیں گے

[pErIsH_BoY]

بے شک یہ بیاض تمھاری ہے

اور ہم بھی تمھارے ہیں ___ لیکن
(یا تھے ___ لیکن)

ہم اس پر کچھ نہیں لکھیں گے

ہم لکھیں اس پر نام؟____ نہیں
پیغام؟ ___ نہیں
اشعار؟ ___ نہیں
سرکار؟ ___ نہیں

ہم اس پر کچھ نہیں لکھیں گے

دل کا جو تمھارے صفحہ ہے
وہ آج جو بلکل سادہ ہے

اس پر بھی تو لکھا تھا ہم نے
اک نام ،کبھی
پیغام،کبھی
اشعار، کبھی
سرکار،کبھی

وہ صفحہ تم نے دھو ڈالا
وہ صفحہ بلکل سادہ ہے

اب کاغذ کے اس صفحے کو
کیوں لا کر آگے رکھتی ہو
کیوں نام،پیام،اشعار لکھیں
ہم لوگ تو جو سرکار لکھیں

اک بار لکھیں

ہم اس پر کچھ نہیں لکھیں گے

ابنٍ انشا