Sara Poetry Collection !!!

[maya]

Re: Sara Poetry Collection !!!

Ab kis say kahain aur kaun sunay jo haal tumhare baad huwa
Is dil ki jheel si aankhoon mein ek khwaab bohat barbaad huwa

Yeh hijr hawa bhi dushman hai us naam kay saaray rangon ki
Woh naam jo mere honton per khushboo ki tarah abaad huwa

Is shehar mein kitne chehray thay kuch yaad nahee sab bhool gaye
Ek shaks kitabon jaisa thaa woh shaks zubaani yaad huwa

Woh apne gaaon ki galiyaan theen dil jin mein naachta gaata thaa
Ab is se farq nahee parta na'shaad huwa ya shaad huwa

Bay-naam sataaish rehti thee un ghehri saanwli aankhoon mein
Aisa tu kabhi socha bhi na thaa dil ab jitna bay-daad huwa...

[maya]

Re: Sara Poetry Collection !!!

Humain Awaz Day Laina
Agar dukh zindagani k
Tumhain aazar pohchaian
Koi jalti hue sa'aat koi bujhta hua lamha
Tumharay dil pay dastak day
Tu hum ko yaad kar laina
Abhi zinda hain hum zindagi ki bay-karani main
Abhi tak day rahay hain imtihaan
Is kaar gaah-e-imtahaini main
Abhi tak mubtala humain, hum is khawab-e-jawani main
Tum apna koi dukh hum say nahi tou kis say bantoo gay
Kisay Aawaz do gay tum ?

[maya]

Re: Sara Poetry Collection !!!

Bila jawaz rakhen khud ko beqaraar bhi kiun
Jo tu nahee hai to phir tera intezaar bhi kiun

Akelepan ka safar jab mera muqaddar hai
To phir ai waada shikan teri rehguzaar bhi kiun

Usey ganwa ke raho ab khizaon ki zad mai
Jo wo nahee hai to phir mausam-e-bahar bhi kiun

Agar bhulaye huye usko aik umr hui
To phir yeh aaj tabiyet hai sogwaar bhi kiun

Wo jin labon pe yaqeene wafa mehek na sakey
Phir unke lams ki khahish ho aik baar bhi kiun

Jab usko shauq tha raston ki dhool honey ka
Palat ke dekhta jaata tha baar baar bhi kiun

[maya]

Re: Sara Poetry Collection !!!

abhi Palkoon Pay Ansoo Hain Kabhi Lab Per Shikayat Hay
Mager Ay Zindagee Phir Bhi Mujha Tujh Say Mohabbat HAY

Jo AAta hay WOh Ja Taa Hay Ya Dunya Ani JaaNi Hay
Yahan Her Shey Musafir Hay Safer Main Zindaagane HAY
Ujaloon Ki Zaroorat Hay Andhera Meri Kismat Hay

Kabhi Palkoon Pay Ansoo Hain Kabhi Lab Per Shikayat Hay
Mager Ay Zindagee Phir Bhi Mujha Tujh Say Mohabbat HAY

Zara Aye Zindagee Dum Lay Tera Deedar Tu Ker Lon
Kabhee Dekha Nahin Jis ko Uska Deedaar Tu Ker Loon
Abhi Say Choor Ker Maat Jaa Abhi Teri Zaroorat Hay

Kabhi Palkoon Pay Ansoo Hain Kabhi Lab Per Shikayat Hay
Mager Ay Zindagee Phir Bhi Mujha Tujh Say Mohabbat HAY

Koi Anjaan Sa (Chehraa)Obher Taa hay Fizaaon Main
Yeh Kis Ki AAhatain Jageen Meri Khamoosh Rahon Main
Abhi Aye Mout Naa AAnaa Mera Thikaana janat Hay

Kabhi Palkoon Pay Ansoo Hain Kabhi Lab Per Shikayat Hay
Mager Ay Zindagee Phir Bhi Mujha Tujh Say Mohabbat Hay.

[maya]

Re: Sara Poetry Collection !!!

Suna hey
Is jahan me zindagi ki qeht saali hey
Yahan do chaar din jiney ka aksar zikr hota hey
Yahan har chiz fani hey
Sbhi ko moat aani hey
Yahan izhaar kia karna
Yahan par piyar kia krna
Mgr kuch yun b sunta hun
Ke esa ik jahan hoga
Ke jis me moat aney ka koi dharka nhi hoga
Hayat e javidan ke sb wahan asbab rakhey hen
Ye mera tum se wada hey
Agr dono wahan mil gaye
Wahin iqrar kr len ge
Wahin izhar kr len ge
Wahin phir piyar kr len ge

[maya]

Re: Sara Poetry Collection !!!

zahan-e-aadamiiyat par maslahat ke pahare haiN
log jitne muKhlis haiN zaKhm utne gahare haiN

phool haiN yahaaN kaaNTe, jism haiN yahaaN patthar
kis jahaaN ke baasi the, kis nagar meN Thahare haiN

ziNdagii ka darvaaza khaT_khaTa ke dekhaa hai
is makaan ke maalik, mar chuke ya bahare haiN

mujrim-e-muhabbat hai sher kii adaalat meN
soch ke salaasal haiN, dard ke kaTahare haiN

kis ke tan kii raNgiinii mauj_zan hai seene meN
aaNkh bhii gulaabii hai, ashk bhii sunahare haiN

bhiigtii hawaaoN ke dosh par chale aao
ghaas ke samaNdar par sabz-sabz lahareN haiN

kaise maiN adab kii had phaaNd kar piyooN ''Shahid''
ras bharii un aaNkhoN par jab hayaa ke pahare haiN

[maya]

Re: Sara Poetry Collection !!!

Naqsh yadon ka mitaati hai to ro parti hai.

wo mera khatt jo jalati he to ro parti hai.

khoon dikhta hai mery marty hoye sapno ka,

khuwab ankhon main basati he to ro parti hai.

log poochty hen jo gehri udaasi ka sabab,

baat logon se chupaati he to ro parti hai.

yaad karti he mujhy toot kar us lumhy,

shaam chehra jo dikhaati hai to ro parti hai.

woh bary zubt bhary hosly wali larki,

ghum ko tahreer banati he to ro parti hai.

[maya]

Re: Sara Poetry Collection !!!

Hosla chor gaya saath nibhaane wala,

Jaane kis simat gaya aj wo jaane wala,

Aaj phir aankh mein aaye hazaron aansoo.

Aaj phir yaad wo aaya hai bhulaane wala,

Ab kahin ja k mere zakhm bhare hain,

Ab kahin lout k aa jaaye na jaane wala,



Us ka har khuwab salaamat rakhna,

Ghum na dekhe wo mere khuwab jalaane wala,

Ab kahin raah mein mil jaaye to itna kehna,



Mar gaya kab ka tere naaz uthaane wala . !!!.

[maya]

Re: Sara Poetry Collection !!!

Kaash Aa Jaye Vo Mujhy Jaan Se Guzarty Dekhy

Us Ki Khawahish Thi Kabhi Mujh Ko Bikharty Dekhy

Wo Saleeqy Se Hua Hum Se Gurezan Warna

Log To Saaf Mohabat Se Mukarty Dekhy

Waqat Hota Hai Her Ek Zakham Ka Marham Mohsin

Phir Bhi Kuch Zakham Thy Asy Jo Na Bharty Dekhy.

[maya]

Re: Sara Poetry Collection !!!

Usne jab jab bhi mujhe dil se pukara mohsin.

Me ne tab tab yeh bataya ke tumhara mohsin.

Log sadyon ki khataon pe bhi khush baste hain.

Humko lamhon ki wafaon ne ujara mohsin.

ho gya hay ye yaqin ab woh nahin aega.

Gham aur anso ne diya dil ko sahara mohsin.

Woh tha jab pas to jeene ko bhi dil karta tha.

Ab to pal bhar bhi nahin hota guzara mohsin.

Usko pana to muqadar ki lakeron men nahin.

Uska khona bhi karen kaisa gavara mohsin!!!

[maya]

Re: Sara Poetry Collection !!!

Usko fursat hi nahi
waqt nikaly Mohsin

Aisy hoty hain bhala
Chahny waly Mohsin

Yaad k dasht me phirta hon
Main nangy paon

Dekh to aa k kabi
Paon k chhaly Mohsin

Kho gai subho ki umeed
or ab lgta hai

Hum nahi hon gay
K jb hon gy ujaly Mohsin

Wo jo ik shakhs
Mtaa-e-dil-o-jan tha
Na raha

Ab bhala kon mery
Dard sambhaly Mohsin

[maya]

Re: Sara Poetry Collection !!!

Marte huey zameer ko bachana para mujhe

Badal ki tarah dasht mein Aana para mujhe

Wo kar nahi raha tha meri baat ka yaqeen!

Phir yun hua k mar k dikhana para mujhe

Bhoole se meri simt koi dekhta na tha!

Chehre pe ek zakham lagana para mujhe

Ek aJnabi se hath milane k waaste!

Mehfil mein sb se hath milana para mujhe

Us bewafa ki yaad dilata tha bar bar!

Kal Aaine pe hath uthana para mujhe..

[-=The Driver=-]

Re: Sara Poetry Collection !!!

shaandar .... bahut khoob... khush rahen hamesha

[maya]

Re: Sara Poetry Collection !!!

bahut skhuriya driver jee...

shaandar .... bahut khoob... khush rahen hamesha

[maya]

Re: Sara Poetry Collection !!!

Ek tamanna hai fakat mujh pey meharban raho
tum kisi aur ko dekho to bura lagta hai

Mery chahat ka takaza hai mere sath raho
ghair ka hath jo thamo tu bura lagta hai

Arzo hai tere her roop ko her pal dekhon
tum mere pas sey utho tu bura lagta hai

Roz-e-shab aaj b perwa hai tumhari mujh ko
tum kisi aur ko socho tu bura lagta hai

Ye mery rooh tarasti hai tumhari khushbo ko
tum kahin aur ja k mehko to bura lagta hai