Tweet
Abhi Kuchh derr Pehley
Abhi kuch der pehley yaadon ke dukhi qafley guzrey thay
Aarzoo aankh se beh rahi thi
kuch jazbey merey ander dam torr rahey thay
aur tumhari kathan tabiyat, meri zindagi ko rokey khari thi,
abhi kuch der pehlay naheef umangein jaagi theen
kabhi tumhari be-niaazi meri mohabbat ki qaael ho jaye
jo qatra qatra umad raha hai, wo tera sahil ho jaye
Abhi kuch der pehley umeedon ki kashtiyan
samander key beech khari theen, ek ek kar ke doob rahi theen,
baadbaan na koi sahaara
shab ke musaafiron ko, deep na koi ista'aara
abhi kuch hi der pehley saara manzar badal diya hai
tooti ummeedon ko, majbooriyon aur dam torti adhoori khwahishon ko,
hamesha hamesha ke liye sulaa diya hay.
Abhi kuch der pehley yaadon ke dukhi qafley guzrey thay
Aarzoo aankh se beh rahi thi
kuch jazbey merey ander dam torr rahey thay
aur tumhari kathan tabiyat, meri zindagi ko rokey khari thi,
abhi kuch der pehlay naheef umangein jaagi theen
kabhi tumhari be-niaazi meri mohabbat ki qaael ho jaye
jo qatra qatra umad raha hai, wo tera sahil ho jaye
Abhi kuch der pehley umeedon ki kashtiyan
samander key beech khari theen, ek ek kar ke doob rahi theen,
baadbaan na koi sahaara
shab ke musaafiron ko, deep na koi ista'aara
abhi kuch hi der pehley saara manzar badal diya hai
tooti ummeedon ko, majbooriyon aur dam torti adhoori khwahishon ko,
hamesha hamesha ke liye sulaa diya hay.