Main Chup Khara Hua Hoon Darbar e Mustafa Mein

[.]

Main Chup Khara Hua Hoon Darbar e Mustafa Mein
Aankhon Se Bolta Hoon Darbar e Mustafa Mein

Mera Wajood Jese Gum Ho Ke Reh Gaya Hai
Khud Se Bichar Gaya Hoon Darbar e Mustafa Mein

Mehsoos Ho Raha Tha Sadiyan Simat Gayi Hain
Kuch Der Hi Raha Hoon Darbar e Mustafa Mein

Kya Ab Bhi Mere Rab Ka Mujh Par Karam Na Hoga
Ab To Main Aa Gaya Hoon Darbar e Mustafa Mein

Aansoo Nidamaton Ke Hain Chashm e Tar Se Jari
Chup Chup Ke Ro Raha Hoon Darbar e Mustafa Mein

Allah Meri Qismat! Barsaat Rehmaton Ki
Aankhon Se Dekhta Hoon Darbar e Mustafa Mein

Kirnen Nikal Rahi Hain Mere Wajood Se Bhi
Khursheed Ban Gaya Hoon Darbar e Mustafa Mein

Dil Mein Sama Gayi Hai Apnaiyat Ki Khushboo
Jis Jis Se Main Mila Hoon Darbar e Mustafa Mein

Ejaz Meri Mitti Ab Ho Gayi Sawarat
Main Kimiya Bana Hoon Darbar e Mustafa Mein

Main Chup Khara Hua Hoon Darbar e Mustafa Mein
Aankhon Se Bolta Hoon Darbar e Mustafa Mein