Announcement

Collapse
No announcement yet.

Unconfigured Ad Widget

Collapse

Merey Pyaare Bhai..!!!

Collapse
X
 
  • Filter
  • Time
  • Show
Clear All
new posts

  • Merey Pyaare Bhai..!!!

    Aj apney bhai ko aik letter likhna tha..qalam uThaya tu kuch or na likh gaya bus yahii likh diya..tu socha yahan share kar doon..

    Merey Pyaare bhai..


    Kitna kuch tha jo main ne ap se kehna tha, Kitney saarii sochein thein jo ap se bayaan karni thein..laikin jub main ne qalam uThaya or likhna shuru kiya..tu main ne khud ko ajiz paya..wo sub likhney se jo main ap ko batana chahtii thii..or aik hi baat merey zehan main ghoomney lagii..pata nahiin KYUN?? or isi ne mujhey kuch bhi or sochney se rokey rakha..merey qalam ko rokey rakha..meri zubaan ko bund rakha..siwaye isi ko duhraney se..or lejiye main ap se kahey detii hoon..

    "Agar ap jantey k main ap se kitna pyaar kartii hoon..tu ap merii mout dekhtey magar mujh se door na hotey"

    yahii baat baar baar merey zehan main arahi hai..or merey qalam se aj bus yahii likha ja raha hai...

    Buhut buhut shukriya..
    buhut shukriya ap ka us sub k liye jo ap ne apne dil se mujhey diya..

    Shukriya ap ki us muskurahaT ka jo apney noor se merey dil k andhairoon ko door kartii hai..
    Shukriya ap k merey aansoo poonchney ka..ap k haath ka merey sar par moujood'gii k ehsaas ne mujh main is mushkil xindagii ko jeeney ki quwat paida ki hai..buhut shukriya
    Shukriya merey bhai k ap ne merey dil ki kashtii ko apney saahil ka sahara diya..


    Merey bhai..main xindagii k yeh pal jee rahii hoon or anjaney kul ka khof mujhey khaye jaa raha hai..is subah k bad mujhe dar hai k kahiin wo raat na ajaye jo kabhi khatam hi na ho..
    laikin agar wo raat ayii...judaayi ki raat...tu yad rakhye ga..k Jannat hamarey mulaqaat ki jagah hogii..jahan na tu hum aik doosrey se juda hoon gey or na hi kabhi alvida kahein gey..

    Allah ka laakh laakh shukar hai k ap merey bhai hain...
    Last edited by BhaTaktii RooH; 10 May 2010, 14:06.
    .......................!!!!!
Working...
X